هــــه‌واڵ كــوردى
دو فراكسيۆن كوردستانى ته‌نيا بژارده‌يگ ئه‌را هه‌ولێر و به‌غدا خستنه‌ڕوێ

دو فراكسيۆن كوردستانى ته‌نيا بژارده‌يگ ئه‌را هه‌ولێر و به‌غدا خستنه‌ڕوێ


شه‌فه‌ق نيوز/ هه‌ردوگ فراكسيۆن كۆمه‌ڵه‌ى ئسلامى كوردستان و بزووتنه‌وه‌ى گۆڕان، جه‌خت له‌وه‌ كردن ك هويچ بژارده‌يگ له‌وه‌رده‌م حكومه‌ت هه‌رێم كوردستان و حكومه‌ت ناوه‌ندى نيه‌ بيجگه‌ گفتگوو ئه‌را چاره‌سه‌ر كيشه‌يل و ناكوويه‌يل ناونيان و داوايش له‌ حه‌يده‌ر عبادى سه‌رۆك وه‌زيره‌يليش كردن مووچه‌ێ كارمه‌نده‌يل هه‌رێم راسه‌وخۆ ئه‌را وزاره‌ت ره‌وانه‌ بكا.

 

له‌ى باوه‌ته‌و، ئه‌حمه‌د حاجى ره‌شيد سه‌رۆك فراكسيۆن كۆمه‌ڵه‌ى ئسلامى له‌ كۆنگره‌يگ رووژنامه‌گه‌رى هاوبه‌ش له‌ سلێمانى وه‌ل ئه‌مين به‌كر سه‌رۆك فراكسيۆن گۆڕان وت: هه‌ردوگ فراكسيۆنه‌گه‌ باوه‌ڕيان ئه‌وه‌سه‌ چاره‌سه‌ر ئه‌را كيشه‌و ناكووكيه‌يل ناونى هه‌ولێر و به‌غدا ئه‌وه‌سه‌ ك بيجگه‌ گفتگوو هويچ ڕييگ تر نيه‌.

 

جى باسه‌، حاجى ره‌شيد هه‌ميش وت: داوايش له‌ عبادى ئه‌كه‌يم جوور ده‌سپيشخه‌رييگ نيازپاكى ك مووچه‌ى هه‌ردوگ وزاره‌ت ته‌ندروسى و په‌روه‌رده‌ ره‌وانه‌ بكاو دوياى ئه‌وه‌يش مووچه‌ێ باقى دام وده‌زگايه‌يل و وزاره‌ته‌يل تر وه‌ زويترين وه‌خت و وه‌شيوه‌يگ راسه‌وخۆ وه‌بى ئه‌وه‌گ بچێده‌ وزاره‌ت دارايى هه‌رێم كوردستان.