هــــه‌واڵ كــوردى
ئه‌ردوغان له‌وه‌ر لاوردن كورد ساخته‌كارى له‌ حزبه‌گه‌ێ ئه‌خوازێد

ئه‌ردوغان له‌وه‌ر لاوردن كورد ساخته‌كارى له‌ حزبه‌گه‌ێ ئه‌خوازێد


شه‌فه‌ق نيوز/ له‌ى دوياخره‌ گرته‌يگ ره‌سمگرياێ ڤيديۆيى ره‌جه‌ب ته‌يب ئه‌ردوغان سه‌رۆك توركى ده‌ركه‌فت ك له‌تى باس ئه‌را بريگ له‌ وه‌رپرسه‌يل ئه‌كا له‌ حزبه‌گه‌ى و فه‌رمان وه‌پيان ئه‌ياد هه‌ر چشتيگ بكه‌ن وه‌خاتر مه‌ندنه‌وه‌ى حزب ملله‌ته‌يل ديموكراتيخواز كورد له‌ ده‌يشت په‌رله‌مان.

 

ئه‌ردوغان له‌ قسه‌گه‌ى گوزاره‌يگ هاورده‌ كار و حزب كورديش جوور داواكارييگ ئاشكرا ئه‌را ساخته‌كارى و هانداين له‌بان تون وتيژى و تاوان دژ ده‌نگده‌ره‌يل ئى حزبه‌ تاريفى كرد.

 

ئه‌ردوغان له‌و گرته‌ى ڤيديۆييه‌ وتگه‌: ئى قسه‌يلمه‌ بايه‌سه‌ له‌ناونى خوه‌مان بدێ و ئاشكرا نه‌كريه‌ێد و داوا له‌ براو هاوڕيه‌يل له‌ پاريزگاييل باشوور خوه‌رهه‌ڵات توركيا ئه‌كه‌م كاريگ تر جياواز له‌ هه‌وڵداين ئه‌نجام بيه‌ن و هه‌ر چشتيگ بكه‌ن له‌وه‌ر مه‌ندنه‌وه‌ى حزب ملله‌ته‌يل ديموكراتيخواز كورد له‌ ده‌يشت په‌رله‌مان، ك يه‌يش مه‌سه‌له‌يگه‌ گرنگ ئه‌را ئيمه‌.