هــــه‌واڵ كــوردى
واده‌ى هه‌ڵمه‌ت هه‌ڵوژاردنه‌يل له‌ كوردستان دويا خريا

واده‌ى هه‌ڵمه‌ت هه‌ڵوژاردنه‌يل له‌ كوردستان دويا خريا


شه‌فه‌ق نيوز/ كۆمسيۆن باڵاى سه‌روه‌خوه‌ى هه‌ڵوژاردنه‌يل و راپرسى له‌ هه‌رێم كوردستان، ئاشكراى دوياخستن واده‌ى ده‌سوه‌پيكردن هه‌ڵمه‌ت دعايه‌كردن هه‌ڵوژاردنه‌يل هه‌رێم كوردستان كرد ك بڕياره‌ له‌ كووتايى مانگ ئه‌يلول ئه‌نجام بگرێد.

 

له‌ى باوه‌ته‌و، شيروان زرار قسه‌كه‌ر وه‌ناو كۆمسيۆن له‌ كۆنگره‌يگ رووژنامه‌گه‌رى له‌ هه‌ولێر وت: ئه‌نجومه‌ن كومسياره‌يل وه‌ زوورم ده‌نگ ئه‌ندامه‌يل ده‌نگ له‌بان دوياخستن واده‌ى ده‌سوه‌پيكردن هه‌ڵمه‌ت دعايه‌ى هه‌ڵوژاردنه‌يل داگه‌.

 

جى باسه‌، زرار هه‌ميش وت: ئه‌نجومه‌نه‌گه‌ بڕيار هه‌ڵوه‌شاننه‌وه‌ى ده‌سوه‌پيكردن هه‌ڵمه‌ت هه‌ڵوژاردنه‌يل سوو چوارشه‌ممه‌ 5/9/2018 داگه‌و بڕياريشه‌ داگه‌ هه‌ڵمه‌ته‌گه‌ له‌رووژ سێشه‌ممه‌ 11/ 9/ 2018 ده‌س وه‌پى بكا، يه‌يش له‌وه‌خيگ سه‌رچه‌وه‌يگ ئه‌را شه‌فه‌ق نيوز وت: ئه‌نجومه‌ن كوسياره‌يل بڕيار دوياخستن واده‌ى ده‌سوه‌پيكردن هه‌ڵمه‌ت دعايه‌يه‌يل هه‌ڵوژاردن په‌رله‌مانى داگه‌ ئه‌را ماوه‌ى يه‌ك هه‌فته‌.