هــــه‌واڵ عــیراق
وه‌هاوكارێ سه‌ركرده‌يل عراقى 15 هه‌زار به‌ڵگه‌ له‌بان داعش گرده‌و كريا ‌

وه‌هاوكارێ سه‌ركرده‌يل عراقى 15 هه‌زار به‌ڵگه‌ له‌بان داعش گرده‌و كريا ‌


شه‌فه‌ق نيوز/ 15 هه‌زار به‌ڵگه‌يل نهێنى له‌ زياتر له‌ 11 شار گرده‌و كريانه، ك باس له‌ ريككه‌فتنه‌يل ژير وه‌ژير و په‌يوه‌نديه‌يليگ ئه‌كا ك له‌لايه‌ن ده‌وڵه‌ته‌يل عه‌ره‌بيه‌و ئمزايان كرياگه‌و رووژنامه‌ى نيورك تايمز ئه‌مريكى برده‌يانه‌و ئه‌را وڵاته‌يل يه‌كگرتگ تا شووڕشيگ له‌ تويڕه‌يى وه‌رانوه‌رى بته‌قنيده‌و.

 

هووكاره‌يل ره‌سانن خوه‌رئاوايى و جه‌هانى تومه‌تبار رووژنامه‌ى نيورك تايمز ئه‌مريكى وه‌ دزيكردن ئه‌و به‌ڵگه‌يل نهێنيه‌ كرد ك تايبه‌ته‌ وه‌ ريكخرياگ تيرۆريستى داعش و جيوازى كردگه‌ ئه‌را باره‌گاى رووژنامه‌گه‌ له‌ وڵاته‌يل يه‌كگرتگ وه‌بى ئاگادارى ده‌سڵاته‌يل عراقى.

 

رووژنامه‌گه‌ باس له‌وه‌ ئه‌كا ئه‌و به‌ڵگه‌يله‌ پيكهاتنه‌ له‌ سه‌نه‌ده‌يليگ له‌ناو ريكخرياگ داعش ك له‌ 11 شار عراقى گرده‌و كريانه‌ له‌ وه‌خت جه‌نگ هيزه‌يل عراقى وه‌ل ئه‌و ريكخرياگ تيرۆريستيه‌ ك له‌لايه‌ن په‌يامنێره‌يل رووژنامه‌گه‌ جه‌مه‌و كريانه‌ له‌وه‌خت رويماڵكردن ئه‌و جه‌نگه‌يله‌ و باس له‌وه‌يش ئه‌كه‌ن بڕيگ له‌ سه‌رباز و سه‌ركرده‌يل سه‌ر وه‌ هيزه‌يل عراقييش ده‌سميه‌تيان دانه‌ ئه‌را ره‌سين وه‌و به‌ڵگه‌يله‌ ك شماره‌يان 15 هه‌زار به‌ڵگه‌س.