هــــه‌واڵ كــوردى
راوێژكار بارزانى: مه‌ندن په‌كه‌كه‌ له‌ شه‌نگاڵ ماناى به‌رپاكردن جه‌نگ كورده‌

راوێژكار بارزانى: مه‌ندن په‌كه‌كه‌ له‌ شه‌نگاڵ ماناى به‌رپاكردن جه‌نگ كورده‌


شه‌فه‌ق نيوز/ هێمن هه‌ورامى راوێژكار سه‌رۆك هه‌رێم كوردستان، باس له‌وه‌ كرد ك گشت هه‌ڵبژارده‌يگ ها وه‌رده‌م حكومه‌ت كوردستان له‌ حاڵه‌تيگ ئه‌گه‌ر پارت كارگه‌ره‌يل كوردستان مكوڕى بكا له‌ مه‌سه‌له‌ى مه‌ندنه‌وه‌ى له‌ شه‌نگاڵ، چوينكه‌ مه‌ندن په‌كه‌كه‌ له‌ شه‌نگاڵ ماناى به‌رپاكردن جه‌نگ ناونى كورده‌.

 

هه‌ورامى وت: تووپه‌گه‌ ها وازيگاى پارت كارگه‌ره‌يل كوردستان و ئه‌گه‌ر مه‌يل كرده‌وه‌يى له‌ به‌رپاكردن جه‌نگ ناونى كورد نه‌ياشوود ئه‌وه‌ بايه‌سه‌ له‌بانى له‌ شه‌نگاڵ ده‌ربچێد.

 

هه‌ورامى زياتر وت: مه‌ندنه‌وه‌ى پارت كارگه‌ره‌يل له‌ شه‌نگاڵ ده‌خاڵه‌تكارى هه‌رێمايه‌تى له‌لى په‌يا ئىدێ و ئه‌جنده‌يل ده‌ره‌كييش دژ وه‌ سه‌روه‌خوه‌يى كوردستانن و ئاماژه‌يش وه‌ ئه‌وه‌ كرد ك په‌كه‌كه‌ وه‌ ئاسانى ده‌س له‌شار مه‌نبج هه‌ڵگرد ئه‌را رژيم سوورى دوياى پيشكه‌شكردن سه‌دان شه‌هيد له‌وه‌ر ئاوادكردنى، وه‌لێ ئيسه‌ ئاماده‌ نيه‌ له‌ شه‌نگاڵ ده‌ربچێد ك هويچ په‌يوه‌ندييگ وه‌پيه‌و نه‌يرێد و به‌شيگه‌ له‌ هه‌رێم كوردستان.