هــــه‌واڵ عــیراق
عبادى وه‌ چه‌وه‌ڕى نه‌كردن هه‌ڕه‌شه‌ له‌ كوردستان ئه‌كا

عبادى وه‌ چه‌وه‌ڕى نه‌كردن هه‌ڕه‌شه‌ له‌ كوردستان ئه‌كا


شه‌فه‌ق نيوز/ حه‌يده‌ر عبادى سه‌رۆك حكومه‌ت عراقى، باس له‌وه‌ كرد ك حكومه‌ته‌گه‌ێ رێ و شوون ئه‌گرێده‌ وه‌ر ئه‌را زاڵبوين له‌بان ده‌روازه‌ێ مه‌رزێ له‌ هه‌رێم كوردستان.

 

عبادى له‌ كۆنگه‌ره‌ێ هه‌فتانه‌ى تومه‌تبار هه‌رێم كوردستان وه‌ ئه‌وه‌ كرد ك پاشگه‌زه‌و بويه‌ له‌ ره‌شنويش ريككه‌فتن ئى دوياخره‌و يه‌يش ده‌رخست ك حكومه‌ته‌گه‌ێ له‌ ئاينده‌ى نزيكيگ رێ و شوون له‌باره‌ى ده‌روازه‌يل ئه‌گرێده‌ وه‌ر و وت: تا بى كووتايى چه‌وه‌ڕێ ناكه‌يم.

 

جى باسه‌، هه‌رێم كوردستان ئه‌و تومه‌ته‌يل به‌غدا ئه‌خاده‌ دروو له‌باره‌ى پاشگه‌زبوينه‌وه‌ له‌ ريكه‌فتن له‌باره‌ى بڵاوكردنه‌وه‌ى هيزه‌يل عراقى له‌ ناوچه‌يل مه‌رزێ و وت: ريككه‌فتن نه‌ويه‌ تا په‌شگه‌زێ له‌لى بكريه‌ێد.