هــــه‌واڵ كــوردى
كوردستان واين هه‌ورامى خسته‌ دروو: ئه‌و ها سه‌ردانيگ خارجى ئه‌را خزمه‌ت ملله‌ت كورد

كوردستان واين هه‌ورامى خسته‌ دروو: ئه‌و ها سه‌ردانيگ خارجى ئه‌را خزمه‌ت ملله‌ت كورد


شه‌فه‌ق نيوز/ وزاره‌ت سامانه‌يل سروشتى كوردستان، واين ئاشتى هه‌ورامى وه‌زيرى خسته‌ دروو، ئاماژه‌ وه‌يه‌يش كرد ك هه‌وارمى ها سه‌ردانيگ فه‌رمى له‌ خارج ئه‌را خزمه‌ت ملله‌ت كوردستان.

 

وزاره‌ته‌گه‌ له‌ به‌ياننامه‌يگ ئه‌را(شه‌فه‌ق نيوز)وت: ئه‌و هه‌واڵه‌يله‌ ك له‌ى دوياخره‌ بڵاو كريان له‌باره‌ى ده‌رچگن ئاشتى هه‌ورامى وه‌زير سامانه‌يل سروشتى وه‌رجه‌ به‌سيان ته‌ياره‌خانه‌يل هه‌رێم كوردستان دويرن له‌ڕاسى.

 

به‌ياننامه‌گه‌ وتك حاڵ حازر وه‌زير سامانه‌يل سروشتى ها سه‌ردانيگ فه‌رمى ئه‌را خارج جوور نوێنه‌ر حكومه‌ت هه‌رێم كوردستان وه‌ ئامانج خزمه‌ت ملله‌ت كوردستان له‌وه‌ر گوزه‌ركردن له‌ى قه‌يران ئيسه‌.

 

جى باسه‌، ئاماژه‌ وه‌يه‌يش ئه‌كريه‌ێد ك عه‌لى حه‌مه‌ ساڵح ئه‌ندام په‌رله‌مان هه‌رێم كوردستان له‌بان بزووتنه‌وه‌ى گۆڕان، ئاشكراى واين هه‌ورامى كرد وه‌رجه‌ ئه‌وه‌گ ته‌ياره‌خانه‌يل هه‌ولێر و سلێمانى بووسيه‌ێد.