هــــه‌واڵ عــیراق
خه‌نجه‌ر خوه‌شاڵه‌ وه‌ سه‌ردانه‌گه‌ێ بارزانى ئه‌را به‌غداو باس هاوپه‌يمانييگ كرد

خه‌نجه‌ر خوه‌شاڵه‌ وه‌ سه‌ردانه‌گه‌ێ بارزانى ئه‌را به‌غداو باس هاوپه‌يمانييگ كرد


شه‌فه‌ق نيوز/ خه‌ميس خه‌نجه‌ر سه‌ركرده‌ى هاوپه‌يمان محوه‌ر نيشتمانى ك زوورم فراكسيۆنه‌يل سنى له‌ په‌رله‌مان عراقى له‌خوه‌ێ گرتگه‌، خوه‌شاڵى خوه‌ى وه‌ سه‌ردانه‌گه‌ى مه‌سعود بارزانى سه‌رۆك پارت ديموكرات كوردستان ده‌رخست ئه‌را به‌غداى پايته‌خت.

 

خه‌نجه‌ر له‌ لێدوانيگ له‌ ماڵپه‌ڕ كۆمه‌ڵايه‌تى توێته‌ر وت: فريه‌ گه‌شبينم وه‌ سه‌ردانه‌گه‌ێ بارزانى ئه‌را به‌غدا وه‌خاتر داناين رووح تازه‌ى نيشتمانى ك حوكم روێداگ سياسى له‌ يه‌ك چويچياێ ئه‌را ماوه‌ى فريه‌يگه‌ بكا.

 

خه‌نجه‌ر هه‌ميش وت: ئاره‌زوو دامه‌زرانن هاوپه‌يمانييگ دوير له‌ كاره‌يل تايفى و نه‌ته‌وه‌يى ئه‌كه‌يم ئه‌را ده‌وڵه‌تيگ دادگه‌ر و حكومه‌تيگ نيشتمانى ك مقه‌يه‌تى له‌ كوڕ به‌سره‌و كوڕ شه‌گات و كوڕ هه‌ڵه‌بجه‌ جوور يه‌ك بكا.