هــــه‌واڵ جیــهانى
پنتاگۆن شيواز له‌لێداين سوريا ئاشكرا كرد

پنتاگۆن شيواز له‌لێداين سوريا ئاشكرا كرد


شه‌فه‌ق نيوز/ وزاره‌ت وه‌رگرى ئه‌مريكى"پنتاگۆن"ئاشكراى كرد و وت: ئه‌و په‌لاماره‌يله‌ ك وڵاته‌يل يه‌كگرتگ وه‌ل فره‌نسا و بريتانيا ئه‌نجاميان ئه‌ياد چه‌ن بنگه‌و باره‌گاره‌يه‌يليگ سه‌ربازى له‌ ديمه‌شق پايته‌خت و ده‌ورگردى گرتنه‌سه‌ ئامانج.

 

جيمس ماتيس وه‌زير وه‌رگرى ئه‌مريكى، وت: ئه‌و په‌لاماره‌يله‌ له‌ سه‌عات 2 ده‌مه‌و شه‌وه‌كى وه‌ وه‌خت له‌نده‌ن ده‌س وه‌پى كردنه‌و 3 بنگه‌ى په‌يوه‌س وه‌ به‌رنامه‌ى چه‌ك كيماوى رژيم سوريه‌و گتنه‌سه‌ ئامانج و نزيكه‌ى 50 ده‌قه‌ت دريژه‌ كيشاگه‌.

 

جى باسه‌، وه‌رپرسه‌يل ئه‌مريكى يه‌يش ده‌رخستن ك نزيكه‌ى 100 تا 120 موشه‌كيش ئه‌را بان بنگه‌يل سه‌ربازى سورى وه‌شرياگه‌و ته‌ياره‌يل ميراج فره‌نسى و تۆرنادۆ بريتانى و قازيفه‌يل بى -1 ئه‌ميكى، بيجگه‌ كه‌شتيه‌يل جه‌نگى ئه‌مريكى له‌ ده‌رياى ناوڕاس، به‌شدارى ئه‌و په‌لاماره‌يله‌ كردنه‌.