هــــه‌واڵ كــوردى
ره‌نگ خفه‌ت باڵ كيشا بان سلێمانى شوون له‌داڵگبوين جه‌لال تاڵه‌بانى

 ره‌نگ خفه‌ت باڵ كيشا بان سلێمانى شوون له‌داڵگبوين جه‌لال تاڵه‌بانى


شه‌فه‌ق نيوز/ شار سلێمانى خه‌مينى فريه‌يگ له‌ناونى مه‌ردمه‌گه‌ى كه‌فته‌و دوياى ژنه‌فتن هه‌واڵ مردن جه‌لال تاڵه‌بانى سه‌رۆك كۆمار وه‌رين و سكرتێر گشتى يه‌كێتى نيشتمانى كوردستان ك له‌ناو كورد وه‌ "مام جه‌لال" ناسرياگه‌.

 

لايه‌نگره‌يل حزبه‌گه‌ له‌ هه‌ردوگ ره‌گه‌ز و له‌ چينه‌يل جياجياى له‌ڕوى ته‌مه‌نه‌و له‌ وه‌رده‌م باره‌گايه‌يل يه‌كێتى نيشتمانى له‌ سلێمانى گرده‌و بوينه‌و ره‌نگ خفه‌ت له‌ سيماو روخساريان نيشتگه وه‌ بوونه‌ى مردن تاڵه‌بانى.

 

جى باسه‌، تاڵه‌بانى دوياى نيمه‌ڕوو ئمڕوو له‌ شوون كيشمه‌كيش دريژيگ وه‌ل نه‌خوه‌شى له‌ ته‌مه‌ن 84 ساڵان ماڵئاوايى يه‌كجارى له‌ دونيا كرد و يه‌كه‌مين سه‌رۆك كۆمار عراق بوى له‌ نه‌ته‌وه‌ى كورد له‌ شوون ساڵ 2003.