هــــه‌واڵ كــوردى
هيزه‌يل عراقى له‌ سێ به‌ره‌ێ پێشمه‌رگه‌وه‌‌ جموجويل كردنه‌

هيزه‌يل عراقى له‌ سێ به‌ره‌ێ پێشمه‌رگه‌وه‌‌ جموجويل كردنه‌


شه‌فه‌ق نيوز/ سه‌ربه‌ست لزگين بريكار وزاره‌ت پێشمه‌رگه‌، ئاشكراى ئه‌وه‌ كرد ك هيزه‌يل عراقى ده‌سكردنه‌سه‌ جموجويل له‌ نزيك به‌ره‌يل سه‌ر وه‌ هيزه‌يل كورد له‌ سێ بنگه‌وه‌.

 

بريكار وزاره‌ت پێشمه‌رگه‌ له‌ به‌ياننامه‌يگ ئاشكراى ئه‌وه‌ كرد ك هيزه‌يل عراقى له‌ نزيك به‌ره‌يل پێشمه‌رگه‌وه‌ له‌ سه‌نگاڵ و باكوور موسڵ و باشوور كه‌ركوك ده‌سكردنه‌سه‌ جموجويل سه‌ربازى، يه‌يش له‌ وه‌ختيگ ك باڵوێز ئه‌مريكى له‌ هه‌رێم كوردستان وت: ئيمه‌ ئاگاداريم له‌ى بارودوخه‌و داواى ئارامى له‌ گشتلايگ ئه‌كه‌يم و ڕى نايه‌يم هويچ كاريگ ناپه‌سه‌ن روێ بيه‌ێد.

 

جى باسه‌، زويتريش بريكار وزاره‌ت پێشمه‌رگه‌ وه‌ل كين كرۆز باڵوێز ئه‌مريكى له‌ هه‌رێم كوردستان باس له‌ بارودوخ له‌ به‌ره‌ێ نوايين ناونى هيزه‌يل پێشمه‌رگه‌و هيزه‌يل عراقى و ريككه‌فتن ناونى هيزه‌يل پێشمه‌رگه‌و سوپاى ئه‌مريكى كردن.