هــــه‌واڵ كــوردى
وه‌رپرسيگ سعودى باس هه‌رێم كوردستان كرد له‌باره‌ى كووچبه‌ره‌يل و په‌نابه‌ره‌يل

وه‌رپرسيگ سعودى باس هه‌رێم كوردستان كرد له‌باره‌ى كووچبه‌ره‌يل و په‌نابه‌ره‌يل


شه‌فه‌ق نيوز/ سعوديه‌ مه‌سه‌له‌ى تواناى پيشكه‌شكردن ده‌سميه‌ت ئه‌را كووچبه‌ره‌يل عراقى و په‌نابه‌ره‌يل سوورى شيه‌و كرد ك جيگير بوينه‌ له‌ هه‌رێم كوردستان عراق.

 

له‌ى باوه‌ته‌و، عه‌بدوڵڵا ره‌بيعه‌ راوێژكار له‌ ديوان پاشايه‌تى و سه‌رپه‌رشكار له‌بان ناوه‌ند شا سه‌لمان ئه‌را وه‌هاناڕه‌سين و كاره‌يل ئنسانى ك له‌ى دوياخره‌ سه‌ردان هه‌رێم كوردستان كرد وه‌ ئامانج له‌يه‌كه‌وداين بارودوخ ئنسانى كووچبه‌ره‌يل و په‌نابه‌ره‌يل و توانايى ده‌سميه‌تداينيان وت: هه‌رێم كوردستان نزيكه‌ى دو مليۆن په‌نابه‌ر و كووچبه‌ر له‌خوه‌ى گرتگه‌و يه‌يش سه‌ختى فريه‌يگ هاورده‌سه‌ تويش هه‌رێم له‌ڕوى دابينكردن گوزران و حاڵه‌ت مه‌عيشى.

 

جى باسه‌، ره‌بيعه‌ هه‌ميش وت: سعوديه‌ هه‌ميشه‌ ده‌س يارمه‌تى و هاوكارى ئه‌را گشتلايگ دريژ ئه‌كاو پيشكه‌شكردن ده‌سميه‌ت ئه‌را هه‌رێم كوردستانيش هيمان ها ژير دراسه‌تكردن له‌ حاڵ حازر.