هــــه‌واڵ عــیراق
به‌غدا پيشنيار كونفيدراڵى ئه‌كا له‌بان هه‌ولێر

به‌غدا پيشنيار كونفيدراڵى ئه‌كا له‌بان هه‌ولێر


شه‌فه‌ق نيوز/ رووژنامه‌ى شه‌رقولئه‌وسه‌ت له‌ زووان سه‌رچه‌وه‌يليگ كوردى ئاشكراێ ئه‌وه‌ كرد ك به‌غدا پيشنيار سيستم كونفيدراڵى كردگه‌ له‌بان هه‌ولێر له‌وه‌ر خاسه‌وبوين ئه‌و قه‌يرانه‌ ك له‌ئاكام راپرسێ سه‌روه‌خوه‌يى ئه‌نجام گرت.

 

رووژنامه‌گه‌ له‌ زووان ئه‌و سه‌رچه‌وه‌يله‌ وت: به‌غدا خوه‌ى پيشنيار ئه‌و كونفيدراڵيه‌ كردگه‌ ئه‌را خاسه‌وكردن په‌يوه‌نديه‌يل وه‌ل هه‌رێم كوردستان.

 

له‌لايه‌ن خوه‌ييشه‌و عه‌بدوڵڵا ورتێ ئه‌ندام ئه‌نجومه‌ن سه‌ركردايه‌تى سياسى كوردستان عراق(ئه‌و ئه‌نجومه‌نه‌ ك شوون ئه‌نجومه‌ن باڵاێ راپرسێ گرت)وت: پيشنيار كونفيدراڵى له‌ڕى لايه‌ن سێيه‌مه‌و خرياسه‌ روێ ك له‌ ده‌وڵه‌ته‌يل هاوسا و بڕيگ تر له‌ ده‌وڵه‌ته‌يل جه‌هانه‌و بويه‌و به‌شيگى حكومه‌ت گرته‌سه‌ى خوه‌ى وه‌ل لايه‌نه‌يل تر سياسى عراقى ك تائيسه‌ وه‌شيوه‌يگ فه‌رمى باس نه‌كرياگه‌.

 

ورتێ هه‌ميش وت: ئى پيشنياره‌ هيمان تائيسه‌ له‌لايه‌ن ئه‌نجومه‌ن سه‌ركردايه‌تى سياسى كوردستانه‌و تاوتوێ نه‌كرياگه‌، وه‌لێ له‌ كوتايى بايه‌سه‌ چاره‌سه‌ر بوينيمنه‌و ئه‌را گشت كيشه‌يليگ وه‌ل حكومه‌ت عراقى له‌ڕى دانيشتن و گفتگوو.