ئابوورى
عراق نرخ نه‌فت خام به‌سره‌و كه‌ركوك به‌رزه‌و كرد

عراق نرخ نه‌فت خام به‌سره‌و كه‌ركوك به‌رزه‌و كرد


شه‌فه‌ق نيوز/ كومپانياى بازاڕكردن نه‌فت عراقى(سۆمۆ)ئاشكراى ئه‌وه‌ كرد ك عراق نرخ نه‌فت خام سووك به‌سره‌ ئه‌را ئاسيا له‌ مانگ ئازاره‌و به‌رزه‌و كردگه‌ وه‌ بڕ 0,30 دۆلار وه‌ به‌راورد وه‌ل مانگ گوزه‌يشت.

 

سۆمۆ له‌ به‌ياننامه‌يگ وت: نرخ فرووشتن نه‌فت خام قورس به‌سره‌ ئه‌را ئاسيا له‌ هه‌مان مانگ ديارێ كردگه‌ له‌ نمايشكردن نرخه‌يل ئه‌را نه‌فت خام عومان و دوبه‌ى ك 2,70 دۆلار ئه‌را هه‌ر به‌ميليگ له‌لى كه‌مه‌و كريا.

 

جێ باسه‌، نرخ نه‌فت خام سووك به‌سره‌ ئه‌را بازاڕه‌يل ئه‌مريكاى باكوور و باشوور له‌ مانگ ئازار وه‌ 1,35 دۆلار ئه‌را هه‌ر به‌رميليگ ديارێ كريا له‌ژوێر نرخه‌يل ئه‌رجوس ئه‌را نه‌فته‌يل خام كبريت به‌رز.