هــــه‌واڵ عــیراق
باڵيۆز ئيرانى ره‌خنه‌ له‌ مه‌سه‌له‌يليگ گرت ريككه‌فت بويه‌ وه‌ل زياره‌ت چله‌

باڵيۆز ئيرانى ره‌خنه‌ له‌ مه‌سه‌له‌يليگ گرت ريككه‌فت بويه‌ وه‌ل زياره‌ت چله‌


شه‌فه‌ق نيوز/ مير مه‌سعود حسه‌ينيان باڵيۆز ئيران له‌ كه‌ربه‌لا، ره‌خنه‌ له‌ بڕيگ مه‌سه‌له‌ گرت ك ريككه‌فتن بويه‌ وه‌ل زياره‌ت چله‌ى ئيمام حسێن سڵام خودا له‌لى و باس له‌ بريگ خاڵ كرد وه‌ ئه‌وه‌گ كيشه‌ دروسكردگه‌و هه‌ر له‌وه‌ر ئه‌وه‌يش وه‌رپرسيارێتى به‌شيگى خسته‌ بان عراق.

 

حسه‌ينيان له‌ باسيگ ئه‌را راديۆى چل ئيرانى وت: يه‌كيگ له‌و حاڵه‌ته‌يل خراوه‌ ئه‌وه‌ بويه‌ ك كاروانه‌يل ئيرانى و عراقى له‌ يه‌ك وه‌خت و يه‌ك شوون گرده‌و كردگه‌و يه‌يش كيشه‌يل ريكخستن دروس كردگه‌و به‌يسه‌ هووكار ئه‌وه‌گ باڵيۆزخانه‌گه‌ ناچار بدێ و زياره‌تكاره‌يل له‌ هۆڵه‌يلى دابنه‌ێد.

 

حسه‌ينيان هه‌ميش وت: فريه‌يگ له‌ زياره‌تكاره‌يل ئيرانى تويش كيشه‌يل ماددى هاتنه‌ له‌ عراق له‌وه‌ر ريكنه‌خستن خه‌رجه‌يليان وه‌ بوونه‌ى نرخ دراو ناوچه‌يى و تويش كيشه‌يليگ تر هاتنه‌و له‌ليان پويل وه‌پى نه‌مه‌ندگه‌ گله‌و بخوه‌ن و هه‌ر له‌وه‌ر ئه‌وه‌يش باليۆزخانه‌گه‌ سه‌ياره‌ ئه‌رايان گرتگه‌ له‌وه‌خت گله‌وخواردن بيجگه‌ ته‌رخانكردن 200 سه‌ياره‌يل له‌لايه‌ن عراقيه‌يليه‌و.