هــــه‌واڵ عــیراق
داعش تاوان دڕندانه‌ێ تازه‌يگ له‌ موسڵ ئه‌نجامدا

داعش تاوان دڕندانه‌ێ تازه‌يگ له‌ موسڵ ئه‌نجامدا


شه‌فه‌ق نيوز/ ريكخرياگ ترۆريستى داعش تاوانيگ تر تازه‌ێ دڕندانه‌ له‌ موسڵ ئه‌نجام دا وه‌ له‌سێداره‌داين په‌نج كه‌س تر له‌ئاكام شكست هه‌وڵه‌يل واينيان له‌ ديم راس شاره‌گه‌.

 

مه‌ردمانيگ له‌ى باوه‌ته‌و له‌ په‌يوه‌ندييگ ته‌له‌فۆنى وه‌ل (شه‌فه‌ق نيوز) وتن: داعش په‌نج كه‌س مه‌ده‌نى داگه‌ له‌سێداره‌ له‌وه‌ختيگ هه‌وڵ واين دانه‌ له‌ ناوچه‌ێ مه‌يدان له‌ناوڕاس موسڵ له‌ چوارچيوه‌ێ شار كويه‌ن له‌ڕى ئاو دجله‌ وه‌ره‌و روێ هيزه‌يل عراقى.

 

جى باسه‌، راپۆرته‌يليش باس له‌وه‌ ئه‌كه‌ن ك ريكخرياگ ترۆريستى داعش وه‌رده‌وام ئه‌و مه‌ده‌نيه‌يله‌ ئه‌ياده‌ سێداره‌ ك هه‌وڵ واين ئه‌يه‌ن له‌ ناوچه‌يل جه‌نگ يا ئه‌و شوونه‌يله‌ ك كه‌فتنه‌سه‌ ژير ده‌سڵات ريكخرياگه‌ ترۆريستيه‌گه‌.