ئايا عراقيه‌يل په‌شيمانن ئه‌را سه‌دام حسێن؟
وتـــــار
ئايا عراقيه‌يل په‌شيمانن ئه‌را سه‌دام حسێن؟
شه‌فه‌ق نيوز/ مه‌ردم فريه جار ئى پرسياره دوباره‌وه ئه‌كه‌ن، ئه‌ويش هه‌ناى ك سه‌ياره‌يگ ته‌قيه‌ێده‌وه‌و وه‌خته‌يليگ ك ئاو بڕيه‌ێد و كاره‌با وه‌شيوه‌ێگ ريك وپيك نايه‌ێد و ئه‌و وه‌خته‌يله ك وه‌كارخه‌ر موليده‌ى كاره‌با له‌لێد ئه‌خوازێد پويل زياتر وه‌پى بيه‌ێد و هه‌ناى ك كاريگ په‌يا ناكه‌ێد و ناڵنێد وه‌ده‌س جارسێ و بيكاريه‌وه‌و وه‌ختاى ك دوينێد مه‌ردمانيگ وه‌هيزتره له‌لێد وه‌ناونيشانيگ له ناونيشانه‌يل گه‌ورا ك زاڵه‌و توانا ديرێد له‌گشت شوون و روێداگ و وه‌خته‌يليگ و ئتمينان له‌لێد ئه‌وه‌ێد و له‌وه‌ختيگ ك هه‌زاران كه‌س ركابه‌رى له‌بان پۆست و دارايى ئه‌كه‌ن و هيلنه‌د ئه‌را دڵتنگى و هه‌وه‌جه‌و هه‌ناى ك واراناو له‌ژير سه‌رينه‌گه‌د جيگير ئه‌دێ و جاده خه‌ڕگين ئه‌دێ پڕه له زبڵ و بووگه‌نێ و وه‌ختيگ ك وه‌ڕييگ پڕ چاڵ وبه‌رزێ رێ ئه‌كه‌ێد و خه‌و وه قيرتاوه‌و دوێنێد و هه‌ناى ك مناڵه بويچكه‌ڵه‌يل پڕ خوه‌ندگايه‌يلن و نه كتاو و نه‌يش مامۆستا ديرن و هه‌ناى ك وه‌به‌رهاوردن و پرووژه‌يل له‌كار وسيه‌ن و ئاڵشتكارى له ژياند روێ نايه‌ێد و وه‌خته‌يليگ ك لافاو روێ له ئاوايى يا ناوچه‌گه‌د ئه‌كاو هه‌ناى ك به‌ڵاو نه‌خوه‌شيه‌يل روێ له‌لێد ئه‌كاو كيشه‌يل زياتره‌و ئه‌دێ و ناوڕيه‌ێده‌و جوور قه‌ده‌رد له‌ى نيشتمان تويشهاتگه.
ئايا عراقيه‌يل په‌يشمانن ئه‌را سه‌دام.. ئايا مسريه‌يل په‌شيمانن ئه‌را موبارك، و ئايا تونسيه‌يل په‌شيمانن ئه‌را بن عه‌لى و ليبيه‌يل ئه‌را قه‌زافى و يه‌مه‌نيه‌يل ئه‌را ساڵح؟ وه‌ى جووره ئه‌تويه‌نێد پرسيار ده‌ربخه‌ێد و هويچ جياييگ نيه‌و مه‌ينه‌تيه‌گه يه‌كيگه‌و كيشه‌گان هاوشيوه‌ن و ئاشوو وه‌رده‌وامه‌و به‌ڵايه‌يل كه‌ڵه‌كه‌ن و هويچ رييگ ئه‌را قورتاربوين له‌ليان نيه له‌ساێ ئاژاوه‌و گومبوين و گه‌ناته‌كارێ و خراوى ئداره‌و نه‌خشه‌و كيمشه‌كيشه‌يل و نه‌وين ئارامى و ترس له ئاينده‌و زوڵم و بيبه‌شى و خراوه‌كارى.
ئه‌گه‌ر ئه‌و مه‌ردمانه گله‌و بخوه‌ن ئه‌را رووژگاره‌يل حوكم ئه‌وانه‌گ له جه‌نگ نه‌مه‌ندن يا له شۆرش يا كوده‌تا وه‌رجه ئه‌وه‌گ بوينن چه وه‌سه‌ر ملله‌ت هات دوياى چگنيان، ئه‌وه لايه‌نگرى و نه‌يار بوياد و چيايمنه‌و ئه‌را هه‌مان شكايه‌ت و خوسه‌و مه‌راره‌ت و مه‌يل ئه‌را ئاڵشتكارى و قورتاربوين له ديكتاتۆريه‌ت و غوربه‌ت و زيندانه‌يل.
له‌يرا جياوازيه‌گه ئه‌وه‌سه ك زوڵم و شيوازه‌يلێ و سته‌م و په‌يڕه‌وه‌يلێ و تون وتيژى و ئاكامه‌يلێ دره‌وشياده‌و، وه‌لێ بويه كويه‌يل به‌رز و سه‌ختيگ و هه‌ر وه‌و خاتريشه شكايه‌ت له ده‌س كويه‌يل ئه‌كه‌يم و ئاره‌زوو داوه‌زين ئه‌را ته‌په‌و دووڵه‌يل ئه‌كه‌يم.. ئمجا ئيمه‌ى عه‌ره‌ب وه ئه‌وساو ئيسه‌و و سووه‌و گوميم و هه‌ر وه‌و خاتريشه ئيمه ئه‌را گوزه‌يشته‌يم
هادى جله‌و مه‌رعى
