هــــه‌واڵ عــیراق
په‌رله‌مان له‌باره‌ى كورده‌يل فه‌يلى ره‌خنه‌ له‌ سه‌ركرده‌يل سياسى له‌ عراق و كوردستان گرت

په‌رله‌مان له‌باره‌ى كورده‌يل فه‌يلى ره‌خنه‌ له‌ سه‌ركرده‌يل سياسى له‌ عراق و كوردستان گرت


شه‌فه‌ق نيوز/ ئارام شێخ محه‌مه‌د ئه‌ندام ليژنه‌ى سه‌رۆكايه‌تى په‌رله‌مان عراقى داوا له‌ حه‌يده‌ر عبادى سه‌رۆك ئه‌نجومه‌ن وه‌زيره‌يل كرد نويسينگه‌يگ تايبه‌ت دامه‌زرنێد راسه‌وخۆ په‌يوه‌س وه‌ خوه‌ى بدێ ئه‌را كاروبار كورده‌يل فه‌يلى و له‌ هه‌مان وه‌خت ره‌خنه‌يش له‌ سه‌ركردايه‌تيه‌يل سياسى له‌ عراق و هه‌رێم كوردستانيش كرد له‌ مامڵه‌كردن وه‌ل ئى پيكهاته‌و تومه‌تباريان كرد وه‌ ئه‌وه‌گ شكه‌ست هاوردنه‌ له‌ له‌خوه‌يگرتن كورده‌يل فه‌يلى.

 

شێخ محه‌مه‌د له‌ وته‌يگ وه‌ بوونه‌ى ساڵياد شه‌هيده‌يل كورد فه‌يلى له‌ په‌رله‌مان وت: وه‌رجه‌ فيشتر له‌ سێ ده‌يه‌ داروده‌سه‌ى رژيم ديكتاتۆرى په‌لامار هاووڵاتيه‌يل كورد دان وه‌بى ئه‌وه‌گ هويچ گوناهيگ داشتوون و تويش سه‌ختترين سزاو سته‌م هاتن و رژيم وه‌رين وه‌ ئه‌نقه‌ز ده‌سكرده‌ ته‌هجير و راوناين فيشتر له‌ په‌نسه‌د هه‌زار كورد فه‌يلى و نزيكه‌ى 22 هه‌زار له‌ جايه‌ڵه‌يليان خسته‌ گووشه‌ى زيندان و تايسه‌يش چاره‌نويسيان نادياره‌.

 

جى باسه‌، شێخ محه‌مه‌د هه‌ميش وت: دگانناين وه‌ مافه‌يل ئى شه‌ريحه‌ وه‌ته‌نيا به‌س نيه‌ ئه‌را هاوردنه‌وه‌ى مافه‌يل ره‌وايان و خواست ئه‌وه‌سه‌ له‌لايه‌ن ده‌سڵاته‌يل جيوه‌جيكاره‌و جيوه‌جى ياسايه‌يل بكريه‌ێد تا خاوه‌ن مافه‌يل بڕه‌سنه‌ مافه‌يليان و ئاماژه‌ وه‌يه‌يش كرد ك سه‌ركرده‌يل سياسى له‌ عراق و هه‌رێم كوردستان سه‌رنه‌كه‌فتنه‌ له‌ له‌خوه‌يگرتن و وه‌رگرى له‌ ماف كورده‌يل فه‌يلى وه‌شيوه‌يگ كرده‌وه‌يى.