هــــه‌واڵ عــیراق
عبادى هه‌ڕه‌شه‌ له‌ سه‌ركرده‌يليگ له‌ حه‌شد شه‌عبى ئه‌كا

عبادى هه‌ڕه‌شه‌ له‌ سه‌ركرده‌يليگ له‌ حه‌شد شه‌عبى ئه‌كا


شه‌فه‌ق نيوز/ بڕيگ له‌ ماڵپه‌ڕه‌يل په‌يوه‌ندى كۆمه‌ڵايه‌تى گرته‌يگ ڤيديۆيى حه‌يده‌ر عبادى سه‌رۆك وه‌زيره‌يل بڵاوه‌و كردن و له‌تى باس له‌ وجوود گه‌ناته‌كارى ناونى سه‌ركردايه‌تيه‌يليگ له‌ فه‌سيله‌يل حه‌شد شه‌عبى ئه‌كاو بڕيگ له‌ليان دارايى جه‌نگاوه‌ره‌يل ئه‌دزێد و به‌شيه‌و ئه‌كا له‌ناونى خوه‌يان، ك وه‌و خاتريشه‌ عبادى هه‌ڕه‌شه‌ى ئه‌وه‌ له‌ليان كرد بايه‌سه‌ باج ئه‌و گه‌ناته‌كاريه‌ بيه‌ن و هه‌قى له‌ليان بكاده‌و.

 

عبادى له‌بان سه‌كوو دعايه‌ى هه‌ڵوژاردنه‌گه‌ى له‌ پاريزگاى نه‌جه‌ف ك شه‌فه‌ق نيوز ئاگادارى بوى، وت: قاسم زوبێدى وه‌ڕيه‌وبه‌ر دارايى حه‌شد ك وه‌رجه‌ رووژه‌يليگ كوشيا په‌يوه‌ندى وه‌پيمه‌و كردگه‌ ئه‌را ئه‌وه‌گ زيانيارى وه‌پيم بيه‌ێد له‌بان وجوود جه‌نگاوه‌ره‌يل درووكانى له‌ناو ڕزه‌يل حه‌شد شه‌عبى و باس له‌وه‌يش كرد گه‌ناته‌كارى هه‌س له‌ به‌شكردن دارايى و بڕيگ سه‌ركرده‌ ده‌سگرتنه‌سه‌ بانى.

 

عبادى هه‌ميش وت: ئى دوسيه‌ هه‌وه‌جه‌ وه‌ دقه‌تكردن ديرێد وه‌رجه‌ ئه‌وه‌گ هه‌ر زيايه‌يگ بدريه‌ێد له‌ مووچه‌يل، ك ئه‌وه‌ بوى دوياى چه‌ن رووژيگ وه‌بێدى له‌لايه‌ن بڕيگ غه‌دركاره‌يله‌و كوشيا.