هــــه‌واڵ كــوردى
ده‌خيل باس چاره‌نويس ناديار 3500 رفياگ ئێزيدى كرد

ده‌خيل باس چاره‌نويس ناديار 3500 رفياگ ئێزيدى كرد


شه‌فه‌ق نيوز/ ڤيان ده‌خيل ئه‌ندام ئه‌نجومه‌ن نوێنه‌ره‌يل عراقى له‌بان هاوپه‌يمان كوردستانى باس له‌ وجوود سه‌دان رفياگ ژن و مناڵ و پياگ كرد له‌ ئێزيديه‌يل له‌ ده‌ورگرد شار ته‌لعه‌فه‌ر له‌ وه‌ختيگ جه‌نگ سه‌ربازى ده‌سوه‌پيكرده‌.

 

ده‌خيل له‌ باسيگ ئه‌را(شه‌فه‌ق نيوز)وت: ئه‌وه‌گ مايه‌ى نگه‌رانيه‌ ئه‌وه‌سه‌ ك هه‌رچه‌نى توانايه‌يل ريكخرياگ داعش وه‌ ته‌مامى له‌ موسڵ يا ته‌لعه‌فه‌ر كزه‌و كرياگه‌، وه‌لێ جى سه‌رسوڕمه‌نينه‌ ك قورتاركردن چه‌ن ئێزيدييگ ك ئه‌وه‌نه‌ى په‌نجه‌يل ده‌س نيين بويه‌سه‌ مايه‌ى نگه‌رانى و گومان له‌ ده‌روينمان و له‌ ده‌روين گشت كه‌سيگ ك باوه‌ڕ وه‌ ئازادى ديرێد و ياسايه‌يل بازرگانيكردن وه‌ ئاده‌ميزاد ره‌ته‌و ئه‌كا.

 

جى باسه‌، ده‌خيل هه‌ميش وت: سه‌رمان سوڕ مينێد له‌ نه‌ڕه‌سين ئه‌را ئاكام په‌يبردن وه‌ نزيكه‌ى 3500 رفياگ ئێزيدى و پرسيار ئه‌وه‌ ئه‌كه‌يم و ئويشيم ئه‌وانه‌ چه‌ وه‌پيان هات؟ داعش ئه‌را كوورا جيوازيان كرد؟ يه‌يش له‌ وه‌ختيگ وه‌ گووره‌ى ئه‌و زانياريه‌يله‌ ك وه‌پيمان ره‌سێد ئاماژه‌ وه‌ وجوود سه‌دان له‌ليان ئه‌كا له‌ موسڵ و ته‌لعه‌فه‌ر.