هــــه‌واڵ كــوردى
ته‌رم خوه‌ندكاريگ زانكۆيى له‌ سلێمانى دوينرياوه‌و دويه‌تيگيش ده‌سگير كريا

ته‌رم خوه‌ندكاريگ زانكۆيى له‌ سلێمانى دوينرياوه‌و دويه‌تيگيش ده‌سگير كريا


شه‌فه‌ق نيوز/ سه‌رچه‌وه‌يگ له‌ پۆليس سلێمانى ئاشكراێ دوينستنه‌وه‌ێ ته‌رم جايه‌ڵيگ خوه‌ندكار زانكۆ كرد و ئاماژه‌يش وه‌ ده‌سگيركردن دويه‌تيگ كرد ك وه‌ليا بويه‌ له‌ناو سه‌ياره‌گه‌ێ له‌بان جه‌وه‌ڵ ئه‌زمه‌ڕ له‌ شار سلێمانى.

 

ئه‌و سه‌رچه‌وه‌ ئه‌را(شه‌فه‌ق نيوز)وت: دويه‌شه‌و ديره ‌وه‌ختيگ هيزه‌يل پۆليس ته‌رم جايه‌ڵيگ 25 ساڵان له‌بان جه‌وه‌ڵ ئه‌زمه‌ڕ دينه‌سه‌و ك له‌ناو سه‌ياره‌گه‌ێ خوه‌ێ كوشياگه‌.

 

جى باسه‌، سه‌رچه‌وه‌گه‌ يه‌يش باسكرد ك ئه‌و جايه‌ڵ جوانه‌ دويه‌تيگيش وه‌ليا بويه‌ له‌ناو سه‌ياره‌گه‌ێ و ئيسه‌ دويه‌ته‌گه‌ له‌وه‌ر په‌يجورێ ده‌سوه‌سه‌ر كرياگه‌.