هــــه‌واڵ عــیراق
عبادى پلانيگ وه‌په‌له‌ وه‌بوونه‌ى گرووپه‌يل چه‌كدار ئه‌را ئاسايش دانه‌ێد

عبادى پلانيگ وه‌په‌له‌ وه‌بوونه‌ى گرووپه‌يل چه‌كدار ئه‌را ئاسايش دانه‌ێد


شه‌فه‌ق نيوز/ عراق ئوميده‌واره‌ وه‌بى زه‌ره‌د ده‌ربچێد له‌ روێداگه‌يل گرژى ناوده‌وڵه‌تى له‌ سورياى هاوساى و له‌ى باوه‌ته‌و قسه‌كه‌ر وه‌ناو حه‌يده‌ر عبادى سه‌رۆك وه‌زيره‌يل ئه‌وه‌ ده‌ركه‌فت ك عراق مكوڕه‌ له‌بان ئه‌وه‌گ كاره‌يل سوورى كاريگه‌رى له‌لى نه‌ياشتوود.

 

سه‌رچه‌وه‌يل باڵاى عراقى باس له‌وه‌ ئه‌كه‌ن ك حكومه‌ت عراقى پابه‌نده‌ وه‌ سياسه‌ى خوه‌ى مقه‌يه‌تيكردن ك عبادى ئاشكراى كرد له‌ى دوياخره‌و خوه‌ى وه‌ته‌نى وه‌رپرس نيه‌ له‌بان ئه‌و كه‌سه‌يل عراقيه‌ ك جه‌نگ ئه‌كه‌ن له‌ سوريا.

 

جى باسه‌، سه‌رچه‌وه‌يل جه‌خت له‌وه‌يش كردن ك عبادى داوا له‌ ده‌سميه‌تده‌ره‌يلى كردگه‌ پلانيگ وه‌په‌له‌ دابنه‌ن ئه‌را كۆنترۆڵكردن ئاسايش ناوخوه‌يى له‌ حاڵه‌تيگ ئه‌گه‌ر ئه‌مريكا په‌لامار سوريا داو بريگ له‌ گرووپه‌يل چه‌كدار له‌ناو عراقه‌و هه‌وڵ جواودانه‌وه‌ بيه‌ن.