هــــه‌واڵ عــیراق
سێ فراكسيۆن كورد له‌باره‌ێ ديداريان وه‌ل حه‌كيم له‌ به‌غدا ئاشكراكردنيگ دان

سێ فراكسيۆن كورد له‌باره‌ێ ديداريان وه‌ل حه‌كيم له‌ به‌غدا ئاشكراكردنيگ دان


شه‌فه‌ق نيوز/ سێ فراكسيۆن كوردستانى له‌ په‌رله‌مان عراقى ئاشكراكردنيگ دان له‌باره‌ێ ديداريان وه‌ل عه‌مار حه‌كيم سه‌ركرده‌ێ هاوپه‌يمان نيشتمانى شيعه‌ى ده‌سڵاتدار له‌ عراق و باس له‌وه‌ كردن ك حه‌كيم هويچ هه‌ڕه‌شه‌يگ له‌ كورد نه‌كردگه‌.

 

له‌ى باوه‌ته‌و، ئاڵا تاڵه‌بانى له‌ لاپه‌ڕه‌ێ تايبه‌ت خوه‌ێ له‌بان ماڵپه‌ڕ په‌يوه‌ندێ كۆمه‌ڵايه‌تى ئاشكراكردنيگ داو ئمزاێ خوه‌ێ له‌بانى بوێ جوور سه‌رۆك فراكسيۆن يه‌كێتى نيشتمانى كوردستان و سروه‌ عه‌بدولواحد جوور سه‌رۆك فراكسيۆن بزووتنه‌وه‌ى گۆڕان و ئه‌حمه‌د حاجى ره‌شيد جوور سه‌رۆك فراكسيۆن جه‌ماعه‌ت ئسلامى له‌ په‌رله‌مان عراقى.

 

ده‌ق ئه‌و ئاشكراكردنيشه‌ له‌تى نويسياگه‌: عه‌مار حه‌كيم هه‌ڕه‌شه‌ نه‌كردگه‌، به‌ڵكوو باس له‌ مه‌ترسيه‌يل وه‌شيوه‌يگ گشتى كردگه‌و ئاماده‌گى خوه‌يشى ده‌رخستگه‌ ئه‌را گفتگوو و وه‌رپرسه‌يل ئيرانييش ئاگادارى كردنه‌ ك دامه‌زرانن ده‌وڵه‌ت كوردى له‌لايه‌ن هه‌رێم كوردستانه‌و هه‌ڕه‌شه‌ له‌ ئاسايش نه‌ته‌وه‌يى ئيران ئه‌كا.

 

جى باسه‌، زياتريش نويسياس: حه‌كيم له‌و ديداره‌ باس له‌ هه‌ڵويست ده‌وڵه‌ته‌يليگ جوور ده‌وڵه‌ته‌يل عه‌ره‌بى و توركيا كردگه‌ ك نگه‌رانى خوه‌يان نيشان ئه‌يه‌ن له‌ مه‌سه‌له‌ێ راپرسى ئه‌را سه‌روه‌خوه‌يى.