وتـــــار
له‌ناونى دويه‌كه‌و ئمڕوو له‌ كوردستان

له‌ناونى دويه‌كه‌و ئمڕوو له‌ كوردستان


شه‌فه‌ق نيوز/ له‌ رووژگاره‌يل سه‌خت، وه‌تايبه‌ت له‌ وه‌خته‌يليگ ك ناكووكى له‌ناونى هه‌ولێر و به‌غدا ده‌سوه‌پيكرد و كه‌سه‌يل فريه‌يگ ئنكار قوربانيه‌يل ملله‌ت كوردستان كرد دژ داعش و ئه‌و باجه‌يله‌ ك داره‌ێ، فريه‌يگ له‌ سياسيه‌يل گورج وێنه‌ى روێداگه‌گه‌ وه‌ ته‌مامى غافڵ كردن و له‌ گووشه‌يگ دياريكرياگه‌و ته‌ماشاێ كرديان، دێ ركابه‌رى له‌بان ناسناو ديد دويرتر له‌ حكومه‌ت هه‌رێم كوردستان و گورجتر خوه‌يكيشانه‌وه‌ له‌لێ كرديان و وه‌ل ده‌نگيگ به‌رتر له‌ قورتاركردنى له‌وه‌ر خاتر ده‌سكه‌فته‌يل تايبه‌ت و ره‌ته‌وكردن گشت ئاراسته‌يل و سياسه‌ته‌يل ئابوورى و سياسى و جزمه‌تكوزاريه‌يل و هه‌رچشتيگ ئه‌كاده‌ى يا ئه‌نجامى ئه‌ياد و وه‌ل هه‌ڵويست ئاشكراتر له‌ په‌يوه‌سبوين وه‌ چاره‌سه‌رێ يا رماننى يا ئاڵشتكردنى و تونترين توڕه‌بوين له‌لێ. دێ دويره‌و له‌لى كه‌فتن و رێ چه‌واشه‌ گرتيانه‌ وه‌ر و شانازى له‌لاى ئه‌وانه‌ په‌يا بوێ ك توانا نه‌يرن له‌بان خوه‌نينه‌وه‌ى واقع و ئاينده‌.

 

وه‌لێ ئيسه‌، دوياى جه‌ڕه‌وداين ئه‌و مه‌ترسيه‌يله‌ ك هه‌ڕه‌شه‌ له‌ هه‌رێم كردياد و ئاڵشتبوين هه‌ڵويسته‌يل ناوچه‌يى و هه‌رێم و ناوده‌وڵه‌تى له‌وه‌رانوه‌ر هه‌رێم و دوياى ئه‌وه‌گ سه‌ركه‌فتن گه‌ورا ئه‌را پارت ديموكرات كوردستان بوێ وه‌ سه‌رۆكايه‌تى مه‌سعود بارزانى له‌ دو پرووسه‌ى هه‌ڵوژانن ك قابل وه‌ ناچاركردن و ته‌زيفه‌ وه‌گووره‌ى ياساو مه‌يل سه‌ركه‌فتگه‌يل، دوينيم خوه‌يشكيشه‌ره‌وه‌يل  دويه‌كه‌ له‌ڕێ به‌ياننامه‌يل ئاشكراو راسه‌وخۆوه‌ ركابه‌رى ئه‌كه‌ن و هتاف ئه‌كيشن، به‌ڵكوو هه‌روه‌له‌ ئه‌كه‌ن و ركابه‌رى ئه‌كه‌ن له‌وه‌ر ئه‌وه‌گ نزيكتر زياتر بوونه‌و له‌لێ و دووس ديرن زياتر له‌ پارت ديموكرات كوردستان نزيكه‌و بوون ئه‌را ئه‌وه‌گ په‌يوه‌نديه‌يل وه‌رين تازه‌وه‌ بكه‌ن يا په‌يوه‌نديه‌يل تازه‌يگ دروس بكه‌ن.

 

گشتلايگ له‌ كوردستان، له‌وانه‌يش سه‌ركه‌فتگ يه‌كه‌م، ته‌ماى ئه‌وه‌ ديرن ك له‌بانيان بويشيه‌ێد وه‌خشين زياتر و سينگ فراوان ديرن وه‌ل لايه‌نه‌يل تر، وه‌تايبه‌ت له‌لاى پارت ديموكرات ئاشكراو چه‌سپياگه‌. وه‌لێ له‌لاى ئه‌وانه‌گ موزايدات كرديان له‌ڕوێ ره‌وشته‌و په‌سه‌ن نيه‌، وه‌بى ئحساس وه‌ وه‌رپرسيارێتى نيشتمانى و نه‌ته‌وه‌يى، ك شاش و خه‌مينى له‌لاى كه‌سه‌يل فريه‌يگ ده‌رخه‌ێد و ده‌رفه‌ت ئه‌ياد ئه‌را سوخريه‌ت له‌لايه‌ن مه‌ردمه‌و وه‌ ئه‌وه‌گ تاويانه‌وه‌ له‌ناونى هه‌ردوگلا له‌ناو يه‌كترى ره‌ته‌و ئه‌كا، يه‌كيگيان سه‌ركردايه‌تى راپرسى كرد و قوربانى داو وه‌رگرى له‌ قه‌واره‌ێ هه‌رێم و حكومه‌ته‌گه‌ى و ده‌سكه‌فته‌يل ده‌ستوورى و ژيان و كه‌رامه‌ت كوردستانيه‌يل كرد و ئه‌واكه‌يش له‌لايه‌ن ده‌ركييه‌و پشتگيرى كرياوێد و خزمه‌تكاريگ سياسى بوى و ناڕازى بوێ له‌ راپرسى و ده‌سپيچگ په‌لامارداين كوردستان و پارتى و سه‌رۆكه‌ى هاوردياده‌و، ئه‌ويش وه‌ ديديگ له‌باره‌ى دڕنده‌يى و له‌بان ئه‌نجامده‌ره‌يلى له‌ چه‌ن خاڵيگه‌و، وه‌ل ئه‌وه‌يشا په‌لامار هه‌ركه‌سيگيش دياد له‌ سه‌ركرده‌يل يه‌كێتى نيشتمانى كوردستان ك وه‌ليا بووسيه‌ێد له‌ خاڵيگ تر.

 

وه‌ ته‌ماشاى ئه‌و ده‌نگه‌يليشه‌ ك داواى به‌شداريكردن ئه‌وانه‌ ئه‌كا له‌ حكومه‌ت هه‌رێم، دوينيم بڕيگ له‌ليان وه‌ ئاشكرا و بى روێ ده‌ربايس داواى ئه‌و چشته‌ ئه‌كاو ئاگاداريشه‌ له‌ زه‌ره‌ده‌يل ئه‌و روێداگه‌يل دڵته‌نگيه‌ ك هاته‌ تويش ملله‌ته‌گه‌، ئمجا دوياى شكه‌ست سياسه‌ته‌يل وه‌رين وه‌رانوه‌ر حزب يه‌كه‌م و كويه‌ن و بته‌و، ك مه‌به‌ش له‌لى پارت ديموكرات كوردستانه‌، ك هويچ وه‌ختيگ واين نه‌زانست و سه‌ركه‌فت، دى بژارده‌يل تر ئه‌را مامڵه‌كردن نه‌وێ بيجگه‌ قه‌بولكردن واقعى ئه‌وه‌نه‌ى قه‌واره‌و توانايه‌يل خوه‌ێ. وه‌لێ كه‌سه‌يل تر ميديايليان زاڵ ئه‌كه‌ن وه‌ل بڕيگ له‌ سه‌ركرده‌يليان ئه‌را ئه‌نجامداين ئه‌ركه‌يل له‌ێ مانۆڕاى ناپاك و له‌ڕێ ته‌كتيكه‌يل نادروسانه‌. ئه‌ويش جوور دوباره‌كردنه‌وه‌ى مێژوو و گومانكردن له‌لێ و روێداگه‌يل 16ى ئوكتۆبه‌ر دژ كورد، وه‌ل گومانكردن له‌ رۆڵ يه‌كێتى نيشتمانى كوردستان وه‌شيوه‌يگ گشتى ئه‌را مه‌ندنه‌وه‌ى له‌بان حاڵه‌ت ناسه‌قامگيرى له‌ په‌يوه‌نديه‌يل له‌ناونى هه‌ردوگ حزب سه‌ره‌كى و ره‌سينه‌وه‌ له‌وه‌گ يه‌كێتى نيشتمانى جياواز نيه‌ له‌و حزبه‌يل تره‌ ك خوه‌يان كيشانه‌سه‌و له‌ حكومه‌ت و چواره‌ميانيش ك له‌ وه‌هار دامه‌زرياو له‌ پايز شيويا وه‌بى ئه‌وه‌گ بدێده‌ حزبيگ، وه‌لێ روێداگه‌يل ئسپات ئه‌وه‌ ئه‌كه‌ن ك جياوازه‌ له‌ليان وه‌شيوه‌ى فريه‌يگ و كه‌سه‌يليگ سه‌ر وه‌پى ناتويه‌نن وه‌رگه‌ى هه‌ڵه‌يلى بگرن.

 

دى له‌ناونى دويه‌كه‌و ئمڕوو له‌ كوردستان، واقعه‌گه‌ ئويشێد: حزبه‌يليگ هه‌ن له‌ مه‌يدان و سه‌ركه‌فتن له‌ هه‌ڵوژاردنه‌يل و گشت مافه‌يليگ هه‌ڵوژانن ديرن و بايه‌سه‌ بته‌و بكريه‌ن، وه‌لێ مه‌يل به‌شدارى له‌ حكومه‌ت جياوازه‌ له‌ مه‌يل هه‌ڵوژانن پله‌ى ئۆپۆزسيۆن. يه‌كه‌م ئه‌وه‌سه‌ ك بايه‌سه‌ ئاڵشتكه‌ر بدێ و جيوه‌جێ نه‌دێ مه‌گه‌ر وه‌ل مه‌يل و قه‌بول ئه‌وه‌گ راسپاريه‌ێد ئه‌را دامه‌زرانن حكومه‌ت. وه‌لێ دويه‌م له‌لايه‌ن يه‌ك لايه‌نه‌و جيوه‌جێ ئه‌دێ، وه‌ل ئه‌وه‌يشا ئويشێد: قه‌بولكردن وه‌ هاتنه‌وه‌ يا هاوردنه‌وه‌ى ئه‌وانه‌، مقه‌يه‌تيكردنيگه‌ ئه‌را بڕيگ مه‌هانه‌ێ مه‌نته‌قيانه‌و تيكه‌ڵكردنيان له‌ حكومه‌ت ئاينده‌يش راسيه‌گه‌ ئاڵشت ناكا، چوينكه‌ ئه‌وانه‌ ده‌س له‌ ملله‌ت هه‌ڵگرتن له‌وه‌ر خاتر ده‌سكه‌فت و وه‌ده‌سهاوردن ره‌زامه‌نى كه‌سه‌يليگ له‌ به‌غداو پايته‌خته‌يل تر جياواز له‌ خاوه‌ن بڕياره‌يل له‌ هه‌رێم.

سوبحى ساڵه‌يى