هــــه‌واڵ عــیراق
"داڵگ ئه‌حمه‌د" وه‌ تومه‌ت ترۆر ده‌سگير كريا

"داڵگ ئه‌حمه‌د" وه‌ تومه‌ت ترۆر ده‌سگير كريا


شه‌فه‌ق نيوز/ سه‌رچه‌وه‌يگ ئاسايشى ئاشكراێ ئه‌وه‌ كرد ك شانه‌ێ ئه‌لسقور ژنيگ وه‌ناو "داڵگ ئه‌حمه‌د" وه‌ تومه‌ت ترۆر له‌ ديم چه‌پ شار موسڵ ده‌سگير كردگه‌.

 

سه‌رچه‌وه‌گه‌ له‌ لێدوانيگ تايبه‌ت ئه‌را(شه‌فه‌ق نيوز)وت: شانه‌ێ ئه‌لسقور له‌ سه‌ركردايه‌تى فه‌رمانده‌يى نه‌ينه‌وا ژنيگ ناسرياگ وه‌ناو داڵگ ئه‌حمه‌د وه‌ تومه‌ت ترۆر ده‌سگير كردگه‌و ته‌سليمى وه‌ پۆليس نه‌ينه‌وا كردگه‌ ئه‌را ئه‌وه‌گ په‌يجورێ وه‌ليا بكريه‌ێد.

 

سه‌رچه‌وه‌گه‌ وت: داڵگ ئه‌حمه‌د ئدارێ هه‌ف موه‌ليده‌ێ ئه‌هلى كردگه‌ له‌ ديم چه‌پ شاره‌گه‌و ئه‌و موه‌ليده‌يله‌و شوونه‌يليانيش ك له‌تيان دامه‌زريانه‌ موڵكيه‌تى سه‌ر وه‌ ريكخرياگ ترۆريستى داعش بويه‌ له‌ ساڵ 2007 تائيسه‌و له‌لايه‌ن كه‌سه‌يل تر وه‌ڕيه‌و بريانه‌.

 

جى باسه‌، سه‌رچه‌وه‌گه‌ هه‌ميش وت: پۆليس داڵگ ئه‌حمه‌د هه‌واڵه‌ێ دادگا كردگه‌ ك وه‌گووره‌ى مادده‌ێ 4 ترۆر ده‌سگير كرياگه‌.