هــــه‌واڵ عــیراق
راپۆرت: په‌رله‌مان عراق له‌ ياساى ده‌ركردن هيزه‌يل ئه‌مريكى‌ پاشگه‌زه‌و ئه‌دێ

راپۆرت: په‌رله‌مان عراق له‌ ياساى ده‌ركردن هيزه‌يل ئه‌مريكى‌ پاشگه‌زه‌و ئه‌دێ


شه‌فه‌ق نيوز/ سه‌ره‌تاى ئمساڵ, هيزه‌يل په‌رله‌مانى عراقى حه‌ماسيه‌ت خوه‌يان ئه‌را ده‌ركردن ياسايگ ده‌رخستن له‌تى هيزه‌يل ئه‌مريكا له‌ وڵاته‌گه‌ ده‌ربكريه‌ێد و باس له‌وه‌ كرديان له‌ سه‌ره‌تاى وه‌رز دويه‌م برياردانان ئه‌و ياسا ده‌رئه‌كريه‌ێد, وه‌لێ مه‌سه‌له‌گه‌ ريڕه‌و ئاڵشتكارى گرته‌وه‌ر و ئه‌و حه‌ماسيه‌ته‌ داوه‌زێ و ته‌م له‌ێ چاره‌نويس ئه‌و پرووژه‌ نيشت جوور ئه‌وه‌گ رووژنامه‌ى "ئه‌لئه‌حبار" لوبنانى باس له‌لێ كردگه‌.

 

ئه‌و رووژنامه‌ى نزيك له‌ حزبوڵڵاى لوبنانى له‌ راپۆرتيگى وت: قه‌واره‌ى فريه‌يى داواكارى له‌ ده‌ورگرد پرووژه‌ ياساى ده‌ركردن هيزه‌يل ئه‌مريكى له‌ عراق زياتر كزه‌و ئه‌دێ ك فراكسيۆنه‌يل نوێنه‌رايه‌تى هه‌وڵ ئه‌را ده‌ركردنيان دان و له‌وه‌رجه‌ گشتيانيش سائيرون وه‌ سه‌رۆكايه‌تى موقته‌دا سه‌در و فه‌تح وه‌ سه‌رۆكايه‌تى هادى عامرى.

 

رووژنامه‌گه‌ له‌ راپۆرته‌گه‌ى وت: گومانه‌يليگ كه‌فته‌سه‌ لێدوانه‌يل ئى دوياخر محه‌مه‌د حه‌لبوسى سه‌رۆك په‌له‌مان له‌ واشنتۆن پايته‌خت ئه‌مريكاو وجوود ئه‌مريكا جوور زه‌مانه‌ت ئه‌را عراق تاريف كردگه‌و يه‌يش ده‌رخست ك داواكارى له‌باره‌ى ده‌ركردن هيزه‌يل هاوپه‌يمان له‌ى قوناغه‌ له‌ به‌رژه‌وه‌ندێ تيرۆر ئه‌دێ.