هــــه‌واڵ عــیراق
ئه‌مريكا له‌باره‌ى "حزبوڵڵا"ى عراقى هه‌ڵويست يه‌كلاكه‌ر له‌ عه‌بدولمه‌هدى ئه‌خوازێد

ئه‌مريكا له‌باره‌ى "حزبوڵڵا"ى عراقى هه‌ڵويست يه‌كلاكه‌ر له‌ عه‌بدولمه‌هدى ئه‌خوازێد


شه‌فه‌ق نيوز/ دۆگلاس سيليمان باڵيۆز ئه‌مريكا، داوا له‌ حكومه‌ت عراقى ئه‌كا هه‌ڵويست يه‌كلاكه‌ر نيشان بيه‌ێد وه‌رانوه‌ر حزبوڵڵاى عراقى ك هه‌ڕه‌شه‌ له‌ وجوود هيزه‌يل بيگانه‌ ئه‌كا وه‌تايبه‌ت هيزه‌يل ئه‌مريكى له‌ وڵاته‌گه‌.

 

سه‌رچه‌وه‌يل له‌ى باوه‌ته‌و وتن: سيليمان نامه‌يگ ئاراسته‌ى عادل عه‌بدولمه‌هدى سه‌رۆك وه‌زيره‌يل كردگه‌و له‌تى ئه‌خوازێد هه‌ڵويست يه‌كلاكه‌ر نيشان بيه‌ێد وه‌رانوه‌ر ئه‌و هه‌ڕه‌شه‌يله‌ ك حزبوڵڵا دژ هيزه‌يلى داره‌ێ.

 

جى باسه‌،  وه‌ گووره‌ى هه‌مان سه‌رچه‌وه‌يل ئه‌و نامه‌ له‌تى پلانه‌يل حزبوڵلاى عراقى خرياسه‌ روێ ك زويتر پويچه‌ڵه‌و كرياگه‌و ئامانج له‌لى په‌لامارداين سه‌ربازگه‌يل سوپاى ئه‌مريكى بويه‌ له‌ ناوچه‌يليگ له‌ناو خاكه‌يل عراقى.