هــــه‌واڵ عــیراق
واشنتۆن ئوميده‌واره‌ ئيران حوكم وه‌ حكومه‌ت عه‌بدولمهدى نه‌كا

واشنتۆن ئوميده‌واره‌ ئيران حوكم وه‌ حكومه‌ت عه‌بدولمهدى نه‌كا


شه‌فه‌ق نيوز/ مايك په‌مبيۆ وه‌زير خارجيه‌ى ئه‌مريكى، ئه‌وه‌ ده‌رخست ك ئوميده‌واره‌ حكومه‌ت تازه‌ى عراقى گرنگى وه‌ يه‌كگرتگى نيشتمانى وڵاته‌گه‌و ئاينده‌ى ملله‌ته‌گه‌ى بيه‌ێد و ئيران حوكم وه‌پى نه‌كا.

 

په‌مپيۆ له‌ كۆنگره‌يگ رووژنامه‌گه‌رى له‌ باره‌گاى وه‌زاره‌ت خارجيه‌ى ئه‌مريكى له‌باره‌ى هه‌ڵوژاردنه‌يل ئى دوياخر سه‌رۆكايه‌تيه‌و پرووسه‌ى دامه‌زرانن حكومه‌ت له‌ عراق وت: ئوميده‌وارم ك دامه‌زرانن حكومه‌ت عراقى هوير له‌ يه‌كگرتگى نيشتمانى و ئاينده‌ى ملله‌ت عراقى بكاو له‌لايه‌ن ئيرانه‌و حوكم  وه‌پى نه‌كريه‌ێد.

 

جى باسه‌، په‌مپيۆ، وه‌رپرسيارێتى ئه‌و هه‌ڕه‌شه‌يليشه‌ ك ئه‌ياده‌ تويش نوێنه‌رايه‌تيه‌يل وڵاته‌يل يه‌كگرتگ له‌ عراق خسته‌ بان ئيران جوور سه‌رچه‌وه‌ى هه‌ڕه‌شه‌يل ئيسه‌ ئه‌را ئه‌مريكيه‌يل له‌ عراق.