هــــه‌واڵ كــوردى
ئه‌نداميگ كورد باس زوڵم و سته‌م له‌ زيندانه‌يل توركيا ئه‌كا

ئه‌نداميگ كورد باس زوڵم و سته‌م له‌ زيندانه‌يل توركيا ئه‌كا


شه‌فه‌ق نيوز/ له‌يلا گۆڤه‌ن ئه‌ندام له‌ په‌رله‌مان توركى له‌بان حزب "ملله‌ته‌يل ديموكرات" و لايه‌نگر كورد، ئه‌را ماوه‌ى سێ مانگ ده‌سكرده‌ مانگرتن له‌ خواردن ك هه‌رچه‌نى وه‌ مه‌رج ئازاد كريا له‌لايه‌ن حكومه‌ت توركياوه‌ له‌ 25 كانون دويه‌م گوزه‌يشت، ئه‌ويش دوياى گرتنى له‌ ئه‌نجام ره‌خنه‌گرتنى له‌ كرده‌وه‌يل سه‌ربازێ له‌لايه‌ن ئه‌نقه‌ره‌وه‌ دژ سه‌كينه‌يل پاسه‌وان ملله‌ت كورد له‌ شار عه‌فرين سوورى.

 

گۆڤه‌ن هه‌رچه‌نى حاڵه‌ت ته‌ندروسييشى خاس نه‌وێ، رازى بوێ له‌بان ئه‌نجامداين ديمانه‌يگ وه‌ليا له‌ناو ماڵه‌گه‌ى خوه‌ى دوياى هه‌فته‌يگ له‌ ئازادكردنى جوور ئه‌وه‌گ ته‌ميزكان دويه‌تى باس له‌لى ئه‌كا.

 

گۆڤه‌ن باس له‌ زيندان كرج و وت: زيندان تايبه‌تمه‌ندييگ ديريد له‌لاى ملله‌ت كورد و مه‌ردمانيگ دووس هه‌ن ك مانگرتن ئه‌نجام دانه‌ ئه‌را ماوه‌ى زياتر له‌ 20 ساڵه‌ گيريانه‌و ئه‌و ياسايه‌يله‌ ره‌ته‌و ئه‌كه‌ن ك ده‌سڵاته‌يل توركى چه‌سپننه‌ى.

 

ئى ژنه‌ ئه‌ندام كورده‌ وت: بڕيگ له‌ هاوخه‌باته‌يلێ له‌ زيندان ديابه‌كر گيان له‌ده‌سدانه‌ و له‌ناو زيندان دژ له‌ناوبردن وه‌جه‌م وسيانه‌و دى له‌وسايشه‌و تائيسه‌ مانگرتن له‌ خوه‌راك له‌لاى كورد ده‌نگ ره‌نگ خاسيگ ديرێد.

 

جى باسه‌، گۆڤه‌ن باس له‌وه‌يش كرد و وت: ئه‌وسا وه‌ ئارامى پيشوازى له‌و كه‌سه‌يله‌ كريا ك مانگرتنه‌ له‌ خوه‌راك، ك بڕيگ له‌ليان گيان له‌ده‌سدانه‌و شه‌هيد بوينه‌ له‌ زيندانه‌يل و ئه‌وانه‌ بڕيگن له‌ يادوه‌رى و هه‌ر وه‌و خاتريشه‌ زيندانه‌يل وه‌ نسبه‌ت ئه‌را ئيمه‌ بويه‌سه‌ مه‌يدانه‌يل خه‌بات.