هــــه‌واڵ كــوردى
بارزانى باس له ده‌سپيشخه‌رييگ كرد هەفتەی ئاينده‌ مەعسوم ئاشكراى ئه‌كا

 بارزانى باس له ده‌سپيشخه‌رييگ كرد هەفتەی ئاينده‌ مەعسوم ئاشكراى ئه‌كا


شه‌فه‌ق نيوز/ نه‌يچێروان بارزانى سه‌رۆك حكومه‌ت هه‌رێم كوردستان وت: فوئاد مه‌عسوم سه‌رۆك كۆمار عراق له‌ هه‌فته‌ى ئاينده‌ ده‌سپيشخه‌رييگ ئاشكرا ئه‌كا ئه‌را ده‌سوه‌پيكردن گفتگوو له‌ ناونى هه‌ولێر و به‌غدا وه‌خاتر لاوردن ئه‌و گرژيه‌ ك كه‌فته‌سه‌و له‌ ئاكام راپرسێ سه‌روه‌خوه‌يى.

 

بارزانى له‌ لێدوانيگ رووژنامه‌گه‌رى ئه‌را هووكاره‌يل ره‌سانن له‌ سلێمانى وت: هه‌ڵويست حكومه‌ت هه‌رێم ئاشكراسه‌و داواى ده‌سوه‌پيكردن گفتگوو ئه‌كا وه‌ل به‌غدا وه‌بى مه‌رج و ئاماژه‌ وه‌يه‌يش كرد ك په‌نابردن حكومه‌ت ناوه‌ندى ئه‌را ده‌وڵه‌ته‌يل هاوسا وه‌خاتر فشارخستن له‌بان هه‌رێم له‌ به‌رژه‌وه‌ندى عراق نيه‌.

 

جى باسه‌، سه‌رۆك حكومه‌ت هه‌رێم هه‌ميش وت: هه‌فته‌ى ئاينده‌ فوئاد مه‌عسوم سه‌رۆك كۆمار ده‌سپيشخه‌رييگ ئاشكرا ئه‌كا ئه‌را ده‌سوه‌پيكردن گفتگوو له‌ناونى لايه‌نه‌يل سياسى.