هــــه‌واڵ كــوردى
دوياخستن راپرسێ وه‌ ته‌مامێ ره‌ته‌و كريا

دوياخستن راپرسێ وه‌ ته‌مامێ ره‌ته‌و كريا


شه‌فه‌ق نيوز/ ليژنه‌ێ باڵاێ راپرسێ له‌ هه‌رێم كوردستان له‌نوو داواكاريه‌يل دوياخستن راپرسێ ئه‌را وه‌خته‌يليگ تر وه‌ ته‌مامێ ره‌ته‌و كرد و له‌ دانيشتنيگ جه‌خت له‌بان خواست كاراكردن په‌رله‌مان هه‌رێم كرد له‌ 14ى ئى مانگه‌.

 

ليژنه‌گه‌ له‌ پيرمام له‌ هه‌ولێر پايته‌خت هه‌رێم كوردستان دانيشتنيگ وه‌ سه‌رپه‌رشێ مه‌سعود بارزانى سه‌رۆك هه‌رێم و كۆسره‌ت ره‌سول عه‌لى جيگرێ ساز كرد و له‌ به‌ياننامه‌يگ وت: له‌ى دانيشتنه‌ باس له‌ روێداگه‌يل سياسى و دويا هه‌ڵويسته‌يل ناوخوه‌يى و له‌ عراق و كۆمه‌ڵگاێ ناوده‌وڵه‌تييش كرياگه‌ وه‌ل سه‌ردانگه‌ێ ئه‌حمه‌د ئه‌بولغه‌يز ئه‌ميندار گشتى كۆمكار عه‌ره‌بييش ئه‌را هه‌رێم و له‌ هه‌مان وه‌خت ريككه‌فتن مێژوويى ناونى پارت ديموكرات كوردستان و يه‌كێتى نيشتمانى كوردستانيش به‌رز نرخياگه‌.

 

جى باسه‌، به‌ياننامه‌گه‌ باس له‌وه‌يش كرد ك ليژنه‌گه‌ له‌و دانيشتنه‌ جه‌خت له‌وه‌يش كردگه‌ ك راپرسێ له‌ واده‌ێ دياريكرياگ خوه‌ێ له‌ 25 ئى مانگه‌ ئه‌نجام ئه‌گرێد له‌ هه‌رێم كوردستانى و ناوچه‌يل كوردستانى ده‌يشت هه‌رێم و وه‌ ته‌مامى دوياخستنى ره‌ته‌و كردگه‌.