هــــه‌واڵ عــیراق
به‌غدا و دياله‌ سوزه‌مه‌نى له‌و يه‌كه‌يل ئداريه‌ بڕين به‌شدارى راپرسى كردنه‌

به‌غدا و دياله‌ سوزه‌مه‌نى له‌و يه‌كه‌يل ئداريه‌ بڕين به‌شدارى راپرسى كردنه‌


شه‌فه‌ق نيوز/ زاهد تاهر ده‌له‌وى سه‌رۆك فراكسيۆن برايه‌تى و ژيان له‌ ئه‌نجومه‌ن دياله‌ ئاشكراى ئه‌وه‌ كرد ك حكومه‌ت ناوه‌ندى و حكومه‌ت ناوچه‌يى دياله‌ سوزه‌مه‌نى نه‌فتى له‌ ناوچه‌يل خانه‌قين و جه‌له‌ولا و جه‌باره‌ و قه‌ره‌ته‌په‌ و سه‌عديه‌يش بڕينه‌ وه‌ مه‌هانه‌ى به‌شداريكردن له‌ راپرسى سه‌روه‌خوه‌يى له‌ 25 ئه‌يلوول گوزه‌يشت.

 

ده‌له‌وى له‌ لێدوانيگ ئه‌را(شه‌فه‌ق نيوز)وت: حكومه‌ت سزاى وه‌جه‌م ئه‌خاده‌ بان 4 يه‌كه‌ى ئدارى وه‌بى هويچ هه‌قيگ ياسايى يا ئنسانى، ئه‌ويش وه‌ بڕين سوزه‌مه‌نى نه‌فتى ك هووكار سه‌ره‌كى ژيان و گوزرانه‌ ئه‌را هاووڵاتيه‌يل و هه‌ر وه‌و خاتريشه‌ داواى دويره‌وخستن به‌رژه‌وه‌ندى هاووڵاتى كرد له‌ قه‌يران و كيشه‌يل سياسى و نه‌ته‌وه‌يى.

 

جى باسه‌، قه‌زاى خانه‌قين ريژه‌ى 96% تۆمار كرد له‌ ده‌نگداين وه‌ به‌ڵێ ئه‌را سه‌روه‌خوه‌يى ك له‌ 25 ئه‌يلوول گوزه‌يشت ئه‌نجام گرت.