هــــه‌واڵ عــیراق
ئئتلاف مالكى ره‌خنه‌ له‌ جيوازكردن وه‌ڕيه‌وبه‌ره‌يل ده‌روازه‌ێ به‌سره‌ گرت

ئئتلاف مالكى ره‌خنه‌ له‌ جيوازكردن وه‌ڕيه‌وبه‌ره‌يل ده‌روازه‌ێ به‌سره‌ گرت


شه‌فه‌ق نيوز/ عاليه‌ نسه‌يف ئه‌ندام ئئتلاف ده‌وڵه‌ت ياسا، ره‌خنه‌ له‌ بڕياره‌يل جيوازكردن وه‌ڕيه‌وبه‌ره‌يل ئاسايش ده‌روازه‌يل به‌سره‌ ئه‌را به‌غدا گرت و وت: جى داخه‌ وه‌ شيوه‌يگ خاسى ئه‌و كه‌سه‌يله‌ ئه‌دريه‌ێده‌و ك گيان مه‌ردم له‌ مه‌ترسى قورتار كردنه‌ له‌ڕى كۆنترۆڵكردن سه‌ياره‌يل پڕ له‌ مامر چينى فاسد و بڕيگ ماده‌يل تر خراو.

 

نسه‌يف له‌ به‌ياننامه‌يگ وت: جى داخه‌ وه‌ڕيه‌وبه‌ره‌يل ئاسايش ده‌روازه‌يل به‌سره‌ جيواز ئه‌كريه‌ن ئه‌را به‌غدا وه‌بى هويچ تاوان يا هووكاريگ مه‌نتقى و ته‌نيا هه‌ر له‌وه‌ر ئه‌وه‌ رێ له‌ ماده‌يل خراو و فاسد ئه‌گرن.

 

جى باسه‌، نسه‌يف هه‌ميش وت: كادره‌يل ئاسياشى له‌ ده‌روازه‌يل به‌سره‌ تويه‌نستن بريگ مامر هاورياێ چينى فاسد و بڕيگ ده‌واو ده‌رمان خراو و ماده‌يل تر كۆنترۆڵ بكه‌ن و داواێ ئه‌وه‌يش كرد ئه‌و زوڵمه‌ له‌بانيان لاوريه‌ێد و بڕيار جيوازكردنيان پويچه‌ڵه‌و بكريه‌ێد و ڕى وه‌ كه‌سه‌يل نه‌فسيه‌ت نزم نه‌دريه‌ێد ئامانجه‌يليان بارنه‌دێ.