هــــه‌واڵ كــوردى
له‌وه‌ر ليست ناوه‌يل داواى ده‌خاڵه‌ت لايه‌ن سێيه‌م ئه‌كريه‌ێد له‌ناونى هه‌ولێر و به‌غدا

له‌وه‌ر ليست ناوه‌يل داواى ده‌خاڵه‌ت لايه‌ن سێيه‌م ئه‌كريه‌ێد له‌ناونى هه‌ولێر و به‌غدا


شه‌فه‌ق نيوز/ ئارام شێخ محه‌مه‌د جيگر ده‌سه‌ێ سه‌رۆكايه‌تى ئه‌نجومه‌ن نوێنه‌ره‌يل عراقى، جه‌خت له‌وه‌ كرد ك فراكسيۆنه‌يل كوردستانى رێ وه‌ به‌غدا نايه‌ن خه‌ڵه‌تانن و غه‌در ده‌رهه‌ق ملله‌ت كوردستان بارێده‌ كار و هه‌ر وه‌و خاتريشه‌ داواێ ئه‌وه‌ كرد لايه‌ن سێيه‌م سه‌رپه‌رشى مه‌سه‌له‌ێ دقه‌تكردن ناو كارمه‌نده‌يل و كاركه‌ره‌يل له‌ هه‌رێم بكا ك حاڵ حازر وه‌رده‌وامه‌ له‌لايه‌ن حكومه‌ت ناوه‌نديه‌و.

 

له‌ى باوه‌ته‌و، شێخ محه‌مه‌د ئه‌را رووژنامه‌نويسه‌يل وت: كيشه‌گه‌ ها له‌وه‌ ك لايه‌ن سێيه‌م جوور چه‌ودێر به‌شدارى نه‌كردگه‌ له‌بان ليژنه‌يل ته‌رخانكرياێ له‌ دقه‌تكردن مووچه‌ێ كارمه‌نده‌يل له‌ كوردستان.

 

جى باسه‌، شێخ محه‌مه‌د هه‌ميش وت: رێ وه‌ به‌غدا نايه‌يم غه‌در له‌ ملله‌ت كوردستان بكا له‌ بودجه‌ێ دارايى ناوه‌ندێ و بايه‌سه‌ مافه‌يل ملله‌ت كورد له‌وه‌رچه‌و بگرێد.