هــــه‌واڵ كــوردى
يه‌كێتى نيشتمانى له‌ڕێ ماكگۆركه‌و په‌ياميگ ئاراسته‌ێ لايه‌نه‌يل كوردستانى كرد

يه‌كێتى نيشتمانى له‌ڕێ ماكگۆركه‌و په‌ياميگ ئاراسته‌ێ لايه‌نه‌يل كوردستانى كرد


شه‌فه‌ق نيوز/ كۆسره‌ت ره‌سول عه‌لى جيگر يه‌كه‌م ئه‌ميندار گشتى يه‌كێتى نيشتمانى كوردستان و برێت ماكگۆرك كلكرياگ سه‌رۆك ئه‌مريكى له‌ هاوپه‌يمانى دژ داعش له‌ ديداريگ جه‌خت له‌بان گرنگى ئه‌وه‌ كردن ك حكومه‌ت چه‌وه‌ڕێكرياێ عراقى خاسترين خزمه‌تگوزارى پيشكه‌ش وه‌ هاووڵاتيه‌يل بكاو پابه‌ند بدێ وه‌ ده‌ستوور جوور بنه‌مايگ ئه‌را كاره‌يلێ.

 

نويسينگه‌ى ره‌سانن كۆسره‌ت ره‌سول له‌ به‌ياننامه‌يگ وت: ئى لێدوانه‌يله‌ له‌ ديدار ناونى هه‌ردوگلا هاتگه‌ وه‌ ئاماده‌بوين دۆگلاس سيليمان باليۆز ئه‌مريكى له‌ به‌غدا و ستيف فيگن باليۆز گشتى ئه‌مريكى له‌ هه‌رێم كوردستان.

 

جى باسه‌، كۆسره‌ت ره‌سول له‌و ديداره‌ ئاگادار شاند ئه‌مريكى كرد كرد ك يه‌كێتى نيشتمانى گرنگه‌ له‌لاى گشت لايه‌نه‌يل كوردستانى گرده‌و بكا له‌بان يه‌گ مێز و كيشه‌يليان چاره‌سه‌ر بكه‌ن و دوير بگرن له‌ كيشمه‌كيش حزبى.