عراق په‌يجورى پۆليس بريتانى وه‌ل باڵوێزه‌گه‌ێ له له‌نده‌ن خسته دروو
هــــه‌واڵ عــیراق
عراق په‌يجورى پۆليس بريتانى وه‌ل باڵوێزه‌گه‌ێ له له‌نده‌ن خسته دروو
شه‌فه‌ق نيوز/ وه‌زاره‌ت خارجيه‌ى عراقى، سه‌رچه‌مانن ساڵح تميمى باڵوێزى له له‌نده‌ن خسته دروو ئه‌را په‌يجورى له‌لايه‌نت پۆليس بريتانيه‌و له‌ئاكام كۆنترۆڵكردن بڕيگ دارايى له‌ناو باڵه‌خانه‌ى باڵوێزخانه‌گه.
له‌ى باوه‌ته‌و، ئه‌حمه‌د مه‌حجوب قسه‌كه‌ر وه‌ناو وه‌زاره‌ته‌گه له لێدوانيگ ئه‌را هووكاره‌يل ره‌سانن وت: بريگ له مالپه‌ره‌يل ئه‌لكترۆنى ناوار ك ئه‌خوازن چه‌واشه‌ى هه‌واڵه‌يل بكه‌ن بريگ هه‌وڵ وه دروو جيواز كردگه ك قسه وه وه‌زراه‌ت خارجيه ئه‌كاو باڵوێز و نوێنه‌ره‌يل دبلۆماسى عراقى ئه‌گرێده ئامانج ك دوياخريش له ئاكام سومعه‌ت عراق ئه‌گرێده ئامانج و هه‌وڵ زه‌فه‌رهاوردن له سه‌ركه‌فتنه‌يل دبلۆماسى ئه‌ياد.
جى باسه، مه‌حجوب هه‌ميش وت: وه‌ئامانجگرتن بريگ له باڵوێزه‌يل وه تومه‌ت جياجيا له‌ى رووژه‌يله هه‌وڵێگه ئه‌را زه‌فه‌رهاوردن له ده‌سكه‌فته‌يل جوور ئه‌وه‌گ ده‌رهه‌ق باڵوێز كۆمار عراق له له‌نده‌ن بڵاو كرياو دويره له‌ڕاسى ك گوايا پۆليس بريتانى په‌يجورى وه‌ل ساڵح تميمى باڵوێز كردگه له‌وه‌ر وجوود بڕيگ دارايى له باڵوێزخانه‌گه.
