هــــه‌واڵ عــیراق
لێدوان تازه‌ى ئه‌ردوغان له‌باره‌ى شه‌نگاڵ: سڵا له‌كه‌س ناخوازيم

لێدوان تازه‌ى ئه‌ردوغان له‌باره‌ى شه‌نگاڵ: سڵا له‌كه‌س ناخوازيم


شه‌فه‌ق نيوز/ ره‌جه‌به‌ ته‌يب ئه‌ردوغان سه‌رۆك توركى، له‌نوو جه‌خت له‌ مه‌سه‌له‌ى ده‌خاڵه‌ت سه‌ربازى وڵاته‌گه‌ى كرد له‌ شه‌نگاڵ وه‌خاتر له‌ناوبردن جه‌ماعه‌ته‌يل تيرۆريستى ك چالاكى ديرن له‌ ناوچه‌گه‌ جوور ئه‌وه‌گ خوه‌ى تاريفى ئه‌كا.

 

ئه‌ردوغان له‌ وته‌يگ له‌ ئه‌سته‌مبوڵ وت: له‌ حاڵه‌تيگ ئه‌گه‌ر حكومه‌ت به‌غدا رێ وشوون دژ جه‌ماعه‌ته‌يل تيرۆريستى نه‌گرێده‌ وه‌ر، ئه‌وه‌ توركيا ئه‌ياد ئه‌را شه‌نگاڵ و وه‌ شيواز خوه‌ى مامڵه‌ وه‌ليا ئه‌كا.

 

جى باسه‌، ئه‌ردوغان له‌ وته‌گه‌ێ هه‌ميش وت: داواى سڵا له‌كه‌س ناكه‌يم و ئيمه‌يش ئه‌و كاره‌ له‌وه‌ر كه‌س ناكه‌يم، يه‌يش له‌وه‌ختيگ ك زويتر سه‌رۆك توركى وت: شه‌نگاڵ جوور قه‌نديله‌ ئه‌را ئيمه‌ و وه‌رده‌واميم له‌ كرده‌وه‌يل سه‌ربازيمان تا وه‌يه‌كجارى پاكه‌و ئه‌كريه‌ێد له‌ ريكخرياگه‌يل ترۆريستى.