هــــه‌واڵ عــیراق
به‌ره‌ى توركمانى چوين باس كوشيان وه‌رپرسه‌ نه‌فتيه‌ كورده‌گه‌ كرد؟

به‌ره‌ى توركمانى چوين باس كوشيان وه‌رپرسه‌ نه‌فتيه‌ كورده‌گه‌ كرد؟


شه‌فه‌ق نيوز/ به‌ره‌ى توركمانى مه‌سه‌له‌ێ كوشتن محه‌مه‌د يونس جيگر وه‌ڕيه‌وبه‌ر كومپانياى غاز باكوور له‌ كه‌ركوك وه‌ په‌يوه‌سيگ له‌ ئاسايش پاريزگاگه‌ تاريف كرد.

 

له‌ى باوه‌ته‌و، ئه‌رشه‌د ساڵحى سه‌رۆك به‌ره‌ى توركمانى له‌ به‌ياننامه‌يگ ئه‌را(شه‌فه‌ق نيوز)وت: ره‌حمه‌تى ناسرياگ بويه‌ وه‌ ئه‌خلاقى و نزيكبوينى له‌گشت لايه‌نه‌يل وه‌بى ئه‌وه‌گ هويچ رۆڵيگ له‌ جياوازى نه‌ته‌وه‌يى يا تايفى داشتوود، به‌ڵكوو پيشه‌ييگ وه‌ ئمتياز بويه‌.

 

جى باسه‌، كورد و توركمان و عه‌ره‌ب له‌ كه‌ركوك وه‌يه‌كه‌و ژيه‌ن و پاريزگاگه‌يش له‌ حزه‌يران ساڵ 2014ه‌و تائيسه‌ ها ژير ده‌سڵات كورد هه‌ناى ك ريكخرياگ ترۆريستى داعش ده‌سگرته‌ بان باكوور خوه‌رئاواى وڵاته‌گه‌ له‌شوونن شكه‌ست هيزه‌يل ئاسايشى عراقى.