هــــه‌واڵ كــوردى
بارزانى له‌باره‌ى دامه‌زرانن حكومه‌ت سێ بنه‌ما ئه‌را عه‌لاوى باسكرد

بارزانى له‌باره‌ى دامه‌زرانن حكومه‌ت سێ بنه‌ما ئه‌را عه‌لاوى باسكرد


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، جه‌خت له خواست جيوه‌جيكردن سێ بنه‌ما كرد له‌ دامه‌زرانن حكومه‌ت ئاينده‌ى ناوه‌ندى.

 

له‌ى باوه‌ته‌و نويسينگه‌ى سه‌رۆك پارت ديموكرات كوردستان له‌ به‌يانامه‌يگ وت: بارزانى له‌ ديدارى له هه‌وارگه‌ى سه‌ڵاحه‌دين وه‌ل شانديگ پايه‌به‌رز له‌ ئئتلاف وه‌ته‌نيه‌ وه‌ سه‌رۆكايه‌تى ئه‌ياد عه‌لاوى رووشنايى خسته‌سه‌ بان ئه‌زموونه‌يل وه‌رين له‌ پرووسه‌ى سياسى له‌ عراق دوياى قوناغ ساڵ 2003 بيجگه‌ تاوتويكردن و باسكردن باوه‌ته‌يليگ تر ك عراق هاوردنه‌ تويش قه‌يرانه‌يل سه‌ختيگ سياسى و ئه‌منى و ئابوورى.

 

به‌ياننامه‌گه‌ يه‌يش ده‌رخست ك شاند ميوان نگه‌رانى خوه‌ى ئه‌را بارزانى ده‌رخستگه‌ وه‌رانوه‌ر سختيه‌يل و گرژيه‌يل ئيسه‌ى پرووسه‌ى سياسى له‌ عراق و هه‌ميش باس له‌ دامه‌زرانن حكومه‌ت تازه‌و دياريكردن هه‌رسێ سه‌رۆكايه‌تى و پيكهاوردن كوتله‌ى گه‌ورا و سازكردن يه‌كه‌مين دانيشتن په‌رله‌مانيش كرياگه‌ له‌و ديداره‌.

 

جى باسه‌، به‌ياننامه‌گه‌ ئاماژه‌ وه‌يه‌يش كرد ك له‌و ديداره‌ باسيش له‌ پابه‌ندى وه‌ سێ بنه‌ماى شه‌راكه‌ت راسكانى و ته‌وافق و هاوسه‌نگى كرياگه‌و جه‌ختيش له‌وه‌ كرياگه‌ ك مقه‌يه‌تيكردن له‌ شه‌راكه‌ت و بنيات ده‌وڵه‌تيش هه‌وه‌جه‌ وه‌ دو كار ديرێد ك ئه‌ويش زه‌مانه‌ و داناين ميكانيزميگ ئاشكراس.