هــــه‌واڵ عــیراق
ئيلام فه‌يلى پيشوازێ له‌ خوه‌ندكاره‌يل عراقى ئه‌كا

ئيلام فه‌يلى پيشوازێ له‌ خوه‌ندكاره‌يل عراقى ئه‌كا


شه‌فه‌ق نيوز/ زانكۆى ئيلام له‌ پاريزگاى كورديل فه‌يلى ئاشكراى ريككه‌فتنى كرد وه‌ل زانكۆى واست له‌بان وه‌رگرتن خوه‌ندكاره‌يل له‌ناونى هه‌ردوگ زانكۆگه‌.

 

له‌ى باوه‌ته‌و، محه‌مه‌د عه‌لى ئه‌كبه‌ر سه‌رۆك زانكۆى ئيلام له‌ سيميناريگ له‌ زانكۆگه‌ له‌بان رووشنهويرى له‌ناونى عراق و ئيران، وت: ره‌زامه‌ندى وه‌رگرتيمنه‌ ئه‌را تازه‌كردنه‌وه‌ى به‌ش خوه‌نينه‌يل له‌ عراق و ئى مه‌سه‌له‌يشه‌ ئامانج له‌لى فراوانكردن په‌يوه‌نديه‌ له‌ناونى هه‌ردوگ وڵات.

 

ناوبرياگ هه‌ميش وت: وه‌ ريككه‌فتن و هه‌ماهه‌نگى وه‌ل وه‌زاره‌ت خوه‌نين باڵاى عراقى ئاڵشتكارى له‌ خوه‌ندكاره‌يل ئه‌كريه‌ێد له‌ناونى زانكۆى ئيلام و زانكۆى واست وه‌و جووره‌‌ ك به‌ش خوه‌نين عراق باوه‌ڕنامه‌ى ماسته‌ر بيه‌ێده‌ خوه‌ندكاره‌يل دوياى ته‌واوكردن به‌كالۆريۆس.