هــــه‌واڵ عــیراق
عبادى خوازياره‌ كووتايى وه‌ كيشه‌يل بارێد و له‌ناونيانيش دوسيه‌ى كورد و كه‌ركوك

عبادى خوازياره‌ كووتايى وه‌ كيشه‌يل بارێد و له‌ناونيانيش دوسيه‌ى كورد و كه‌ركوك


شه‌فه‌ق نيوز/ رووژنامه‌يگ عه‌ره‌بى، ئاشكراى ئه‌وه‌ كرد ك حه‌يده‌ر عبادى سه‌رۆك وه‌يزه‌يل عراقى خوازياره‌ پرووژه‌يگ تازه‌ بخاده‌ روێ ئه‌را دوسێ نيشتمانى گشتگيريگ و ئه‌را كووتاييهاوردن كيشه‌يل و له‌وانه‌يش چاره‌سه‌ر كيشه‌يل وه‌ل كوردسان و كيشه‌ێ شار كه‌ركوك.

 

وه‌ گووره‌ى رووژنامه‌ى "ئه‌لعه‌ره‌بى ئه‌لجديد" ئه‌وه‌ ده‌ركه‌فت ك عبادى خوايار پيشكه‌شكردن پرووژه‌يگ گشتگيره‌ ئه‌را دووسى نيشتمانى ئه‌را هيزه‌يل جياجياێ سياسى ك چه‌ن به‌ند و بڕگه‌يگ ئه‌گرێده‌ خوه‌ى و له‌ناونيانيش حه‌رامكردن خوينڕشيانن عراقى و دووسييگ گشتگير و كووتاييهاوردن وه‌ كيشه‌يل وه‌رين و زه‌مانه‌تكردن بڕگه‌يگ له‌ ده‌ستوور عراق ئه‌را نه‌هيشتن مه‌سه‌له‌ێ تايفه‌چێتى و ره‌گه‌زى نه‌ته‌وه‌يى و ريككه‌فتن له‌بان وتاريگ خاس ئايينى.

 

رووژنامه‌گه وت: ئى پرووژه‌ پابه‌ند ئه‌كريه‌ێد له‌بان گشتلايگ وه‌ مه‌رجيگ ليژنه‌يگ باڵا له‌ سه‌رۆك فراكسيۆنه‌يل و حزبه‌يل و دادوه‌ره‌يل و ئه‌كاديميه‌يل ئه‌را كاراكردن به‌نده‌يلێ دامه‌زريه‌ێد، ئه‌ويش وه‌ چه‌وديرێ نه‌ته‌وه‌يل يه‌كگرتگ.

 

جى باسه‌، رووژنامه‌گه‌ هه‌ميش له‌ زووان وه‌رپرسيگ باڵا له‌ نويسينگه‌ى عبادى وت: ئى پرووژه‌ چاره‌سه‌ر دوسيه‌ى كورد و كيشه‌ێ كه‌ركوكيش ئه‌گرێده‌ خوه‌ێ وه‌ل جه‌ختكردن له‌ مه‌ده‌نيه‌تبوين ده‌وڵه‌ت و ئاوه‌دانكردنه‌وه‌ى پاريزگايه‌يل باشوور عراقيش.