هــــه‌واڵ عــیراق
نه‌فت ئاشكراى هه‌نارده‌و داهات كانون دويه‌مى كرد

نه‌فت ئاشكراى هه‌نارده‌و داهات كانون دويه‌مى كرد


شه‌فه‌ق نيوز/ وزاره‌ت نه‌فت عراقى، ئاشكراى وه‌رده‌وامى هه‌نارده‌يل و داهاته‌يل مانگ كانون دويه‌م گوزه‌يشتى كرد وه‌گووره‌ێ ئاماره‌يل سه‌ره‌تايى ك له‌لايه‌ن كومپانياێ بازاڕكردن نه‌فت عراقێ"سۆمۆ"ده‌ركه‌فتگه‌.

 

عاسم جهاد قسه‌كه‌ر وه‌ناو وزاره‌ته‌گه‌ له‌ به‌ياننامه‌يگ ئه‌را شه‌فه‌ق نيوز وت: بڕ ئه‌و نه‌فته‌يل هه‌نارده‌كرياگه‌ له‌ كانون دويه‌م گوزه‌يشت له‌ سه‌رچه‌وه‌يل نه‌فتى له‌ ناوڕاس و باشوور عراق ره‌سيه‌سه‌ زياتر له‌ (108) مليۆن و (190) هه‌زار و (68) به‌رميل وه‌ داهاته‌يليگ ك ره‌سيه‌سه‌ زياتر له‌ (6) مليار و (847) مليۆن و (136)هه‌زار دۆلار، ك وه‌ل ئه‌وه‌يشا ئامار هه‌نارده‌ێ نه‌فت له‌ سه‌رچه‌وه‌يل نه‌فتى كه‌ركوكيش تۆمار نه‌كريانه‌.

 

جى باسه‌، جهاد هه‌ميش وت: وه‌رده‌وام هه‌نارده‌ى نه‌فت رووژانه‌ ره‌سيه‌سه‌ (3) مليۆن و(490) هه‌زار به‌رميل و وه‌رده‌واميش نرخ هه‌ر به‌رميليگ نه‌فت ره‌سيه‌سه‌ (63,288) دۆلار.