هــــه‌واڵ كــوردى
فره‌نسا جه‌خت له‌ ده‌سميه‌ت وه‌ره‌دوام ئه‌را كوردستان ئه‌كا

فره‌نسا جه‌خت له‌ ده‌سميه‌ت وه‌ره‌دوام ئه‌را كوردستان ئه‌كا


شه‌فه‌ق نيوز/ نێچيروان بارزانى سه‌رۆك حكومه‌ت هه‌رێم كوردستان، جه‌خته‌يليگ له‌ شانديگ باڵاى فره‌نسى وه‌پى ره‌سى له‌باره‌ى ده‌سميه‌ته‌يل ئه‌را هه‌رێم له‌ گشت بواره‌يل  و شانده‌گه‌يش گامه‌يل حكومه‌ت هه‌رێم وه‌ دروسكردن متمانه‌و چاره‌سه‌ر كيشه‌يل له‌ناونى هه‌ولێر و به‌غدا باسكرد له‌رێ گفتگووكردن و پرووسه‌ى سياسى له‌ هه‌رێم و يه‌كڕزى لايه‌نه‌يل كوردستانييش وه‌ گرنگ تاريف كرد.

 

سه‌رۆكايه‌تى حكومه‌ت هه‌رێم له‌ به‌ياننامه‌گ ئه‌را شه‌فه‌ق نيوز وت: بارزانى پيشوازى له‌ شانديگ باڵاى فره‌نسى كردگه‌ ك پيكهاتگه‌ له‌ ماريل دو سارنيز سه‌رۆك ليژنه‌ى په‌يوه‌نديه‌يل خارجى و وه‌رگرى په‌رله‌مانى و كلود غوزاغن و ديلفين ئاو هه‌ردوگ ئه‌ندام ليژنه‌گه‌و برونو ئوبيرت باڵيۆز فره‌نسى له‌ عراق  دومينيك ماس قونسڵ فره‌نسى له‌ هه‌رێم.

 

شانده‌گه‌ خوه‌شاڵى خوه‌ى ده‌رخست وه‌ سه‌ردانه‌گه‌ى و په‌يوه‌نديه‌يل ناونى فره‌نساو هه‌رێم و رۆڵ پێشمه‌رگه‌و ملله‌ت كوردستانيش به‌رز نرخان ئه‌را پيشوازيكردن له‌ شماره‌يگ فريه‌يگ له‌ كووچبه‌ره‌يل و په‌نابه‌ره‌يل.

 

جى باسه‌، شانده‌ فره‌نسيه‌گه‌ جه‌ختيش له‌ وه‌رده‌وامى ده‌سميه‌ته‌يل فره‌نسى ئه‌را هه‌رێم كوردستان كرد له‌گشت بواره‌يل و له‌لايه‌ن خوه‌ييشه‌و بارزانى سوپاسگوزراى كرد ئه‌را ئه‌و ده‌سميه‌ته‌يل وه‌رده‌وام فره‌نسيه‌ له‌وه‌خته‌يل سه‌خت وه‌تايبه‌ت له‌ ساڵ گوزه‌يشت.