هــــه‌واڵ كــوردى
ئيران ياداشتيگ ناره‌زايه‌تى پيشكه‌ش كرده‌ هه‌رێم كوردستان

ئيران ياداشتيگ ناره‌زايه‌تى پيشكه‌ش كرده‌ هه‌رێم كوردستان


شه‌فه‌ق نيوز/ باڵوێزخانه‌ى ئيرانى له‌ هه‌ولێر پايته‌خت هه‌رێم كوردستان، ئاشكراى ئه‌وه‌ كرد ك ياداشتيگ ناڕه‌زايه‌تى پيشكه‌ش وه‌ حكومه‌ت هه‌رێم كردگه‌ وه‌ بوونه‌ى چگن چه‌كداره‌يليگ له‌ كوردستانه‌و ئه‌را ناو خاكه‌يل عراقى.

 

له‌ى باوه‌ته‌و ئاژانس هه‌واڵه‌يل ئيرنا ك شه‌فه‌ق نيوز ئاگادارى بوێ، وت: شانديگ ئيرانى سه‌ردان نويسينگه‌ى په‌يوه‌نديه‌يل خارجيه‌ى هه‌رێم كوردستان كردگه‌و ياداشتيگ ناڕه‌زايه‌ ئيران وه‌پى پێشكه‌ش كردگه‌ له‌بان جموجويله‌يل ئى دوياخر چه‌كداره‌يل تيرۆريستيه‌ له‌ بڕيگ له‌ ناوچه‌يل هاوبه‌ش مه‌رزێ.

 

ئاژانس ناوبرياى وت: شانده‌ ئيرانيه‌گه‌ ئاگادار هه‌رێم كوردستان كردنه‌ له‌ ناڕه‌زايى ئيران له‌باره‌ى وه‌ناوچگن ئه‌و تيرۆريسته‌يله‌ ئه‌را ناو خاك ئيران و يه‌يش ده‌رخستگه‌ ك هيزه‌يل ئيرانى ماف خوه‌يانه‌ وه‌رگرى ره‌وا بكه‌ن و روى وه‌ڕوێ سه‌رچه‌وه‌يل هه‌ڕه‌شه‌ بوونه‌و، ك وه‌و خاتريشه‌ ئاگادار لايه‌ن عراقييش كردنه‌.