هــــه‌واڵ كــوردى
يه‌كێتى نيشتمانى شماره‌ى كورسيه‌يلى له‌ په‌رله‌مان تازه‌ى عراق ئاشكرا كرد

يه‌كێتى نيشتمانى شماره‌ى كورسيه‌يلى له‌ په‌رله‌مان تازه‌ى عراق ئاشكرا كرد


شه‌فه‌ق نيوز/ سه‌عدى ئه‌حمه‌د پيره‌ قسه‌كه‌ر وه‌ناو يه‌كێتى نيشتمانى كوردستان، ئه‌وه‌ ده‌رخست ك حزبه‌گه‌ى نزيكه‌ى 18 كورسى له‌ په‌رله‌مان تازه‌ى عراقى وه‌ده‌سهاوردگه‌ له‌ جه‌م 329 كورسى وه‌ گووره‌ى ئاكامه‌يل سه‌ره‌تايى كۆمسيۆن باڵاى سه‌روه‌خوه‌ى هه‌ڵووژاردنه‌يل.

 

پيره‌ وه‌گووره‌ى هووكاره‌يل ره‌سانن سه‌ر وه‌ حزبه‌گه‌ى ك شه‌فه‌ق نيوز ئاگاداريان بوى، وت: وه‌گوره‌ى ئاكامه‌يل سه‌ره‌تايى ك له‌لايه‌ن كۆمسيۆن هه‌ڵوژاردنه‌يله‌و ئاشكرا كريا، يه‌كێتى نيشتمانى له‌گشت پاريزگايه‌يل عراق 17 – 18 كورسى وه‌ده‌سهاوردگه‌.

 

جى باسه‌، يه‌يش له‌ وه‌ختيگه‌ ك شه‌ش حزب له‌ هه‌رێم كوردستان ناڕه‌زايى ده‌رخستن له‌بان ئاكامه‌يل هه‌ڵوژاردن ك گوايا ساخته‌كارى له‌تى روێداگه‌.