هــــه‌واڵ كــوردى
بارزانى دڵنيايى ئه‌ياده‌ ئێزيديه‌يل: لايه‌نگرى دياريكردن چاره‌نويسدان ئه‌كه‌يم

بارزانى دڵنيايى ئه‌ياده‌ ئێزيديه‌يل: لايه‌نگرى دياريكردن چاره‌نويسدان ئه‌كه‌يم


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، په‌ياميگ پيروزبايى ئاراسته‌ى ئێزيديه‌يل له‌ كوردستان و جه‌هان كرد وه‌بوونه‌ى سه‌رساڵ ئايينى ئێزيدى.

 

بارزانى وه‌و بوونه‌وه‌ وت: پيرۆزباييمان له‌ دڵه‌و ئاراسته‌ى گشت براو خوه‌شكه‌يل ئێزيدى له‌ كوردستان و جه‌هان ئه‌كه‌يم و ئوميد شادى و خوه‌شبه‌ختى ئه‌رايان ئه‌كه‌يم

 

بارزانى وت: خوه‌يشك و برايه‌يل ئێزيدى له‌ماوه‌ى ساڵه‌يل گوزه‌يشت وه‌بوونه‌ى زوڵم و تاوانه‌يل تيرۆريستى تويش ژان و ناڕه‌حه‌تى فريه‌ى بى وينه‌يگ له‌ مێژوو هاتن و له‌يرا جاريگتر جه‌خت له‌وه‌ ئه‌كه‌يم وه‌گشت توانايگه‌و پشتگيرى خوه‌يشك و برايه‌يل ئێزيدى ئه‌كه‌يم و داوايش له‌گشت لايه‌نه‌يل ئه‌كه‌يم هاوكارى وه‌ليانا بكه‌ن ئه‌را ئه‌وه‌گ چاره‌نويس و ئاينده‌ى خوه‌يان بوينن و زه‌خمه‌يليان ساڕێژ بدێ و كووتايى وه‌ مه‌نيه‌تى و كووچوه‌پيكردنيان باێد.

 

بارزانى هه‌ميش وت: وه‌ى بوونه‌وه‌ دڵنيايى ئه‌يه‌يمنه‌ خوه‌يشك و برايه‌يل ئێزيدى و رووڵه‌يل گشت پيكهاته‌يل تر ك كوردستان وڵات وه‌يه‌كه‌وژيانه‌و ئى رووشنهويرييشه‌ ده‌وڵه‌مه‌نتر ئه‌كريه‌ێد وه‌ل فراوانكردن رويوه‌ر برايه‌تى و خوه‌شه‌ويستى.