هــــه‌واڵ كــوردى
مه‌رجه‌عيگ شيعه‌ داواى سه‌بر له‌ كوردستان ئه‌كا

مه‌رجه‌عيگ شيعه‌ داواى سه‌بر له‌ كوردستان ئه‌كا


شه‌فه‌ق نيوز/ محه‌مه‌د ته‌قى موده‌ڕسى مه‌رجه‌ع ئايينى داوا له‌ سه‌رۆك ده‌وڵه‌ته‌يل ناوچه‌گه‌ كرد هه‌وڵ فيشتر بيه‌ن ئه‌را قورتاربوين له‌ وه‌رده‌وامى قه‌يران و كيشه‌يل و داواى ئه‌وه‌يش كرد ناوچه‌گه‌ له‌ژير ته‌ماى ده‌وڵه‌ته‌يل گه‌وراهيز ده‌ربكريه‌ێد.

 

موده‌ڕسى له‌ به‌ياننامه‌ى هه‌فتانه‌ى وت: گله‌وخواردن ئه‌را مراجعه‌ت و چاره‌سه‌ر كيشه‌و قه‌يرانه‌يل له‌ڕى دانيشتن و گفتگوو گه‌وراترين قانجاز و كه‌مترين مه‌ترسيه‌ و له‌ هه‌مان وه‌خت داوايش له‌ سه‌ركرده‌يل له‌ هه‌رێم كوردستان كرد سه‌بر داشتوون وه‌ ئه‌وه‌گ بار ئيسه‌ گونجياگ نيه‌ ئه‌را ئه‌زه‌ره‌ته‌يليان.

 

جى باسه‌، موده‌ڕسى وت: بار ناوده‌وڵه‌تى هه‌رێمى له‌ حاڵ حازر جى ئاره‌زوو نيه‌و داوا له‌ سه‌ركرده‌يليش كرد دژايه‌تى گه‌ناته‌كارى ناوخوه‌يى بكه‌ن وه‌ل خاسه‌وكردن ئداره‌ى وڵات و گفتگوو فيشتر وه‌ل پايته‌خت ئه‌نجام بيه‌ن نه‌ك ته‌نيا ئه‌را چاره‌سه‌ر كيشه‌يل چاره‌سه‌رنه‌كرياێ، به‌ڵكوو ئه‌را ده‌سوه‌پيكردن پرووژه‌يگ نيشتمانى خاسيگ له‌وه‌ر پيشخستن ژيارى.