هــــه‌واڵ عــیراق
حه‌شد شه‌عبى روێ وه‌ڕوێ سوپا بوێ و چوار پۆليس ده‌سگير كرد

حه‌شد شه‌عبى روێ وه‌ڕوێ سوپا بوێ و چوار پۆليس ده‌سگير كرد


شه‌فه‌ق نيوز/ سه‌رچه‌وه‌يگ ئاسايشى ئاشكراى ئه‌وه‌ كرد ك حه‌شد شه‌عبى ك زوورم فه‌سيله‌يل چه‌كدار شيعه‌ گرته‌سه‌ خوه‌ێ روێ وه‌ڕوێ وه‌ل هيزه‌يل سوپاێ عراقێ بويه‌سه‌و له‌ ديم راس شار موسڵ.

 

ئه‌و سه‌رچه‌وه‌ ئه‌را شه‌فه‌ق نيوز وت: دوياێ ناكووكى له‌ ناونى حه‌شد شه‌عبى له‌ كه‌تيبه‌يل "سيد الشهداء" له‌ ده‌روازه‌ێ پيه‌ڵ چواره‌م له‌ ديم راس شار موسڵ ته‌قه‌ روێداگه‌و سه‌ربازيگ زه‌خمدار بويه‌و جيواز كرياگه‌ ئه‌را نه‌خوه‌شخانه‌.

 

سه‌رچه‌وه‌گه‌ وت: هيزيگ له‌ حه‌شد شه‌عبى له‌ كه‌تيبه‌يل ناوبرياێ 4 پۆليسيش له‌ خاڵيگ وشكانن سه‌ر وه‌‌ فه‌وج 8 له‌ پۆليس ده‌سگير كردگه‌ له‌ ده‌روازه‌ێ حه‌يولته‌يه‌ران له‌ باشوور موسڵ.