هــــه‌واڵ عــیراق
250 خيزان كووچبه‌ر گله‌وخواردن ئه‌را موسڵ

250 خيزان كووچبه‌ر گله‌وخواردن ئه‌را موسڵ


شه‌فه‌ق نيوز/ سه‌رچه‌وه‌يگ ئاسايشى ئاشكراى گله‌وخوادرن 250 خيزان كووچبه‌ر كرد ئه‌را ناوچه‌ى ئه‌لفاروق له‌ ناوڕاس شار موسڵ ك هه‌رچه‌نى ويرانكارى فريه‌يگيش ره‌سيه‌سه‌ ئه‌و ناوچه‌ى له‌ وه‌خت جه‌نگ وه‌ل ريكخرياگ ترۆريستى داعش و خزمه‌تگوزارييش له‌تى نيه‌.

 

له‌ى باوه‌ته‌و، حه‌سه‌ن مونعم ده‌ڕاجى نه‌قيب له‌ هيزه‌يل پۆليس ناوه‌ندى ئه‌را(شه‌فه‌ق نيوز)وت: 250 خيزان كووچبه‌ر ناچار بوينه‌ گله‌و بخوه‌ن ئه‌را ماڵه‌يل ويرانكرياێ خوه‌يان وه‌ بوونه‌ى ئه‌وه‌گ كرايه‌چى بوينه‌و نه‌تويه‌نستنه‌ وه‌رده‌وام بوون له‌ كرايه‌داين و بار ئابوورييان خراو بويه‌.

 

جى باسه‌، ده‌ڕاجى هه‌ميش وت: ئه‌و خيزانه‌يله‌ ده‌سكردنه‌ پاكه‌وكردن ماڵه‌يل خوه‌يان و پاكه‌وكردنيان له‌ پاشمه‌نده‌ى ويرانه‌ تا بتويه‌نن له‌تيان نيشته‌جى بوون ك هه‌رچه‌نى كاره‌با و ئاو و خزمه‌تگوزاريه‌يل ته‌ندروسى و ئنسانييش له‌تى نيه‌.