هــــه‌واڵ كــوردى
يه‌كێتى نيشتمانى كوردستان داوا له‌ كۆمه‌ڵگاى ناوده‌وڵه‌تى ئه‌كا فشار بخاده‌ بان به‌غدا

يه‌كێتى نيشتمانى كوردستان داوا له‌ كۆمه‌ڵگاى ناوده‌وڵه‌تى ئه‌كا فشار بخاده‌ بان به‌غدا


شه‌فه‌ق نيوز/ كۆسره‌ت ره‌سول عه‌لى جيگر يه‌كه‌م ئه‌ميندار گشتى يه‌كێتى نيشتمانى كوردستان، داوا له‌ كۆمه‌ڵگاى ناوده‌وڵه‌ى كرد فشار بخاده‌ بان حكومه‌ت عراقى له‌وه‌ر هاوردنه‌وه‌ى بارودوخه‌گه‌ ئه‌را بان سروشت ئاسايى خوه‌ێ له‌ ناوچه‌يل كيشه‌ له‌سه‌ر.

 

يه‌كێتى نيشتمانى كوردستان له‌ به‌ياننامه‌يگ ئه‌را(شه‌فه‌ق نيوز)وت: كۆسره‌ت ره‌سول له‌ شار سلێمانى چه‌وى كه‌فته‌سه‌ شانديگ سياسى له‌ وزاره‌ت خارجيه‌ى نه‌رويجى ك پيهاتنه‌ له‌ كارستن كارلسن وه‌زير راويژكار له‌ وزاره‌ت خارجيه‌ى نه‌رويجى و سكرتێر سه‌كه‌م باڵوێزخانه‌ى نيرۆبى له‌ ئوردن و شماره‌يگ له‌ راويژكاره‌يل كاروبار خوه‌رهه‌ڵات ناوين و باكوور ئه‌فريقيا.

 

به‌ياننامه‌گه‌ وت: ره‌سول له‌و ديداره‌ وه‌ل ئه‌و شانده‌ باس له‌ بارودوخ سياسى له‌ هه‌رێم كوردستان كردگه‌ وه‌تايبه‌ت دوياى ئه‌وه‌گ هيزه‌يل سوپاى عراقى و حه‌شد شه‌عبى هاتنه‌سه‌ ناو شار و ناوچه‌يل كوردستانى ده‌يشت ئداره‌ى هه‌رێم و هه‌ميش وتگه‌: ئه‌رك كۆمه‌ڵگاى ناوده‌وڵه‌تيه‌ فشار بخاده‌ بان حكومه‌ت عراقى له‌وه‌ر هاوردنه‌وه‌ى بارودوخه‌گه‌ ئه‌را بان وه‌زع ئاسايى و رێ وشوون بگريه‌ێده‌ وه‌ر له‌وه‌رانوه‌ر ئه‌و كرده‌وه‌يله‌ ك حكومه‌ت ئه‌نداميان ئه‌ياد.